SeguridadeServizos xeraisTransparencia

O PP insta a Lara Méndez a adquirir e repartir material de protección para todos os lucenses ante a posibilidade de ser imprescindible para saír á rúa

By 8 Abril, 2020Sin comentarios

O concelleiro do Grupo Municipal do Partido Popular Antonio Ameiijide insta á alcaldesa a deixar a un lado a súa cruzada persoal contra a Xunta de Galicia e poñer os medios municipais e doutras administracións necesarios para mercar material de protección, que unir ao enviado polo goberno autonómico, e así dotar, polo menos, de mascarillas e luvas a todos os lucenses de xeito gratuíto

O concelleiro do Grupo Municipal do Partido Popular no Concello de Lugo, Antonio Ameijide, insta a Lara Méndez a mercar material de protección (epis, mascarillas e luvas) ante a máis que probable intención do Goberno central de que cando remate o estado de alarma toda a cidadanía precise, polo menos, dunha mascarilla para saír á rúa.

Antonio Ameijide sinala que se finalmente o Goberno central decreta esta medida e ante a dificultade actual de abastecemento para os cidadáns, o Concello de Lugo tería que dar un paso á fronte e empregar a súa capacidade de manobra para mercar material de protección que engadir ao que recibe da Xunta de Galicia.

Ante esta situación, o concelleiro popular destaca que o Concello de Lugo, como administración máis próxima aos cidadáns ten que dar ese primeiro paso para que os lucenses conten con material de protección. Neste senso, o popular agradece todas as entregas de material xa realizadas pola Xunta de Galicia ao Concello de Lugo e insta ao goberno autonómico a seguir colaborando con Lugo, a pesar da falta de lealdade institucional amosada por Lara Méndez e as mostradas polo goberno municipal. Incluso, onte mesmo a Xunta remitiu un segundo envío de material ao concello lucense, composto por máis de 3.600 mascarillas, 7.000 lubas e 58 traxes antisalpicaduras, que se suman ao material xa recibido en semanas anteriores e que a alcaldesa devolveu en parte.

O reparto deste material entre os lucenses, trátase dunha medida necesaria toda vez que as autoridades sanitarias aconsellan o uso de mascarillas de protección por parte da poboación para frear a expansión do Covid-19. “Instamos a Lara Méndez que se poña a traballar de inmediato na procura deste material para tratar de conseguilo o máis rápido posible para poñelo a disposición dos veciños”, sinalou.

Neste senso, o edil popular insta a Lara Méndez a deixar a un lado a súa loita persoal contra a Xunta de Galicia, á que criticou por enviar material “caducado”, algo que non é certo completamente, xa que este material ten unha data de uso recomendada, non unha data de caducidade, polo que ese material pode empregarse “sen problema” pasada a data indicada na embalaxe, tal e como indican instrucións do propio ministerio.

Unha vez que o Concello de Lugo teña todo o material preciso para repartir entre os lucenses, o goberno local debería estudar o mellor xeito posible para distribuílo á poboación sen poñer en risco aos lucenses, evitando, na medida do posible, que os veciños saían a por elas. Un reparto que se pode facer con medios municipais ou en colaboración coa iniciativa privada, como supermercados, farmacias.

Antonio Ameijide insta a Lara Méndez a non buscar escusas e poñer todos os medios dispoñibles a traballar na procura deste material, algo que xa fixeron outros concellos da provincia, con moitos menos recursos que o concello lucense, como poden ser Friol ou Mondoñedo.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies