O PP esixe ao goberno local un plan de acción inmediato para poñer fin aos vertedoiros incontrolados no rural

By 26 Agosto, 2021Medio Ambiente, Zona rural

O concelleiro do Grupo Municipal do PP Manuel López denuncia que debido á “pasividade total” e “falta de dilixencia” do goberno local por atallar este grave problema que afecta, principalmente, ás parroquias do rural temos que seguir lamentando este tipo de accións, totalmente reprochables e denunciables, que danan a actividade económica e provocar graves danos medioambientais

O concelleiro do Grupo Municipal do Partido Popular no Concello de Lugo, Manuel López, é moi claro e afirma que os veciños das parroquias do rural de Lugo “non poden máis e están fartos” da permisividade do concelleiro da zona rural, Miguel Fernández, respaldado por Lara Méndez e Rubén Arroxo, xa que “ningún fai algo por solucionar os constantes ataques que se realizan nas parroquias do rural de Lugo”, onde os vertedoiros incontrolados seguen activos e medrando sen control.

Manuel López critica a inacción do goberno local, que lonxe de protexer os intereses dos veciños das parroquias e o gran valor natural que hai no municipio, permiten, coa súa pasividade, estas actividades ilícitas, que en moitos casos xeran un perigo enorme para os veciños e o entorno, xa que son focos potencias de incendios e de contaminación ao medio.

Para o concelleiro popular a principal solución pasa pola implicación do goberno local, que debe de poñer en marcha un plan de acción inmediato para limpar todas estas zonas e un aumento notable da vixilancia para evitar que estas malas prácticas se sigan a repetir no municipio lucense, xa que unicamente teñen repercusións negativas para a natureza e a actividade económica das parroquias do rural. “A realidade é que sempre tiran os residuos nos mesmos puntos, un claro indicativo da permisividade do goberno local, que nin se preocupa por vixiar minimamente estas zonas, xa coñecidas por todos, para evitar nos vertidos”, afirmou.

Manuel López lamenta que despois de tantos anos desde o goberno local “non fixeron nada” por solucionar esta situación, ata o punto de están a demostrar “a nula preocupación” que teñen polo rural, onde nas últimas semanas o goberno local so foi noticia “polas súas cacicadas” levando servizos a uns poucos veciños e discriminando a outros. “Se estes vertedoiros incontrolados chegan a estar preto da casa dalgún pedáneo que teñen nas parroquias estou seguro de que non tardaban nin medio día en limpar a zona”, sentenciou.

Leave a Reply

17 − 14 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies