O PP esixe a reparación dos viais en mal estado en Conturiz e que o Concello inste a Fomento a mellorar a seguridade

By 26 Setembro, 2021Zona rural

Concelleiros do Grupo Municipal do PP visitaron a parroquia de Conturiz onde recabou o malestar dos veciños de San Amaro e O Cuco debido ás fochancas que presentan as vías que dan acceso a estes núcleos, que xa provocaron danos nalgún vehículo
O concelleiro do Grupo Municipal do Partido Popular no Concello de Lugo, Manuel López, urxe ao goberno local a que se arranxen varias pistas en mal estado en San Amaro e no Cuco, en Conturiz, xa que as eivas que presentan dificultan a circulación, chegando nalgún caso a producir danos nos vehículos.

Manuel López realizou unha visita a estas zonas para comprobar in situ o estado destas pistas e faise eco das numerosas queixas dos veciños da zona. Para o popular esta situación non é nova, xa que todas as parroquias presentan deficiencias similares nos seus accesos, froito “do abandono e a desidia” do goberno local coa zona rural.

Explica Manuel López que vemos como todos os veciños das parroquias teñen problemas moi semellantes, sendo neste caso en San Amaro e no Cuco, o principal problema as fochancas, polo que os coches teñen dificultades para circular, provocando que en ocasións teñan que circular pola cuneta, sendo un verdadeiro perigo para a seguridade viaria.

Anguieiro

Durante esta visita, Manuel López tamén se achegou ata a zona de Anguieiro, onde os veciños piden que se tape un foso que hai nun lateral dunha vía, de titularidade do Ministerio de Fomento, e que “é un verdadeiro perigo” para os vehículos e os peóns.

Trátase dun foso duns oito metros de profundidade e que está tapado unicamente cun palé e un cono de obra, actuación totalmente deficiente, polo que o concelleiro popular urxe ao goberno local a realizar as xestións oportunas ante o Ministerio de Fomento para dar unha solución totalmente segura a este foso, tal como unha rexa ou unha tapa e así evitar calquera problema de seguridade.

Leave a Reply

four + 13 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies