- O Partido Popular difundiu un vídeo que se grabou o pasado mes de setembro no que se pode ver a un mergullador cruzando o río por varios puntos na última localización situada no Paseo do Miño propostas polo goberno local para colocar as plataformas flotantes das piscinas.
- Con este documento gráfico se certifica que a zona “ten pouca profundidade en moitos puntos e que o terreo é moi irregular con abundantes rochas no fondo”.
- CONCLUSIÓN DESTA COMPROBACIÓN: Nin a ubicación, nin o proxecto da praia fluvial que presenta o goberno local de Lugo é o idóneo xa que a zona elixida para colocar as plataformas flotantes non ten o calado suficiente polo que a zona non é segura para os bañistas.
- Os populares recordan que técnicos, tanto do propio Concello como da Xunta, xa advertiron de que o 40% da superficie onde se prevé que se ubiquen as plataformas á beira do Paseo do Miño non alcanza o metro e medio de profundidade.
- Polas malas decisión de PSOE e BNG, lamentablemente, os lucenses pasamos outro verán máis sen poder gozar dunha zona de baño público no Miño e a veciñanza viuse obrigada, pola súa incompetencia e falta de traballo, a acudir ás piscinas dos concellos limítrofes como a de Castroverde, Friol, O Corgo … etc
