O PP di que os orzamentos de Méndez e Arroxo teñen aire propagandístico e son unha bomba de fume

By 15 Decembro, 2021Economía

Os populares afean que o goberno de esquerdas “pola súa actitude antidemocrática ao desbotar as 76 propostas que rexistramos de cara a mellorar o borrador de orzamentos para 2022” e recrimina “o desprezo, a falta de talante e de ganas de chegar a consensos do bipartito co principal grupo da corporación”

O voceiro do Grupo Popular afea a actitude “de rodillo do goberno de esquerdas de Lugo” que volveu a ningunear as preto de 80 propostas que presentamos para mellorar o borrador de orzamentos.  “É unha mágoa que PSOE e BNG se enrroquen nunha postura tan antidemocrática cando estamos falando do documento guía dos proxectos de Lugo para o vindeiro 2021”.

Ramón Carballo explicou que o documento que presentan reflicte ás claras que son unhas contas que teñen por obxecto sacar unha rendibilidade electoral pero que carecen dun proxecto único para Lugo. O único no que coinciden o proxecto vital de Méndez e Arroxo é manterse no cargo é repartirse todos os anos, a conta dos orzamentos municipais, o botín para manter o seu relato.

 

ALGUNHAS CIFRAS DOS ORZAMENTOS DO BIPARTITO DE LUGO

  • Estamos diante dun orzamento ficticio. As contas do bipartito son unha bomba de fume. A proba de que son unha contas desfasadas e que son irrealizables é máis que evidente tendo en conta que os ingresos reais que ten o Concello que non chegan para pagar os gastos correntes. Analizando as contas que presenta o goberno de Lugo vemos como o 83% dos orzamentos (88,3M€) destínanse a pagar ao persoal municipal e para pagar a empresas que prestan servizos no municipio, mentres tanto, a recadación da última liquidación cerrada do ano 2020 desvela que a recadación foi de 74,7M€.
  • Por tanto, estamos ante un borrador de orzamentos no que o goberno local fai encaixe de bolillos e infla os ingresos para cadrar as contas. Hai varios exemplos nos que contemplan ingresar partidas que son conscientes que é imposible recadar, tendo en conta a evolución dos ingresos nos últimos exercicios.
  • Son os orzamentos dos parches, dun goberno que vai de ganchete cando se trata de pactar gastos improductivos e con aire propagandístico. A alcaldesa de Lugo xestionará o mesmo diñeiro para a súa promoción e autobombo que o que prevé destinar a Emerxencia social. (250.000 € en gastos diversos de protocolo, gabinete e secretaría da alcaldesa). Desagréganse en: 50.000 € atención a protocolo; 150.000 € publicidade e propaganda; 50.000 € en gastos diversos a maiores dos 135.000 € en traballos a outras empresas fronte aos 300.000 € que hai para emerxencia social. Curiosamente repiten partida cando o lóxico sería subir neste apartado.

 

O QUE BOTAMOS DE MENOS

  • O novo Auditorio de Magoi queda en terra de ninguén xa que no capítulo de gastos non figura partida para a posta en funcionamento. (si hai por exemplo preto de 500.000 € para o Vello Cárcere). No capítulo de investimentos nin Cultura nin Patrimonio contemplan investir os 300.000 € dos que no seu momento falou Lara Méndez para corrixir as deficiencias.
  • Dentro da promoción e ao fomento do deporte non hai cartos para empezar a construír o novo pavillón que o Partido Popular leva pedindo dende hai anos salvo a reserva de 80.000 € para facer o proxecto.
  • Non figura ningunha partida con nome e apelido para a execución da Praia Fluvial no Miño.
  • Os recursos destinados á promoción e reinserción social redúcense con respecto ao ano 2020 e pasan de 505.000 a 216.000 €
  • Emerxencia social repite a mesma cifra de gastos. É continuista cando neste momento é máis necesario que nunca ter unha previsión para familias afectadas pola crise económica que se prevé. (manteñen os 300.000 € do ano 2020)
  • Na zona rural hai un recorte no capítulo de gastos con respecto ao ano 2021 en 154.000 €. En canto o capítulo de investimentos esquécense por completo do rural. Pasan de querer levar o abastecemento e saneamento nas parroquias (compartindo o gasto coa Xunta) a non destinar ni un só euro.

 

AS INCONGRUENCIAS

  • No capítulo de gastos figura un incremento para transporte público de 292.000 € o que certifica o fracaso do modelo de autobuses urbanos do goberno local e confirma que a remodelación das liñas non gusta aos lucenses e que non o usan como estimaban. Pasaron de destinar 2.4 a 2.7 M€.
  • Incorporan unha partida de 15.000 € para instalar cámaras de videovixilancia no Mercado e Praza de Abastos. Que pasa cos polígonos industriais, os monumentos en zonas emblemáticas e os edificios públicos?

Leave a Reply

19 − sixteen =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies