A débeda do bigoberno moroso é por “non aboar os 50€ mensuais dos últimos 19 meses ademais dunha factura de máis 4.000 € en concepto de obras nun inmoble que é propiedade municipal”
O Grupo Popular recrimina que o goberno local non pagase os recibos da comunidade dun piso da súa propiedade, unha cota de obras nuns garaxes, e unha derrama de obras neste inmoble. A débeda ascende aos 5.100 €.
No relatario da relación de recibos pendentes de cobro está o abono que lle correspondía ao concello da comunidade de 50€ que non se pagou dous meses de 2020, todo o ano 2021 e ata maio de 2022. Tamén deixou de pagar 3.152,98€ dunha cota de obras e 852,66 € por reparacións nos garaxes.
Á vista deste despropósito a concelleira popular Mar Carballas anuncia que pedirá explicacións dos motivos polos que o bigoberno non paga a totalidade do que lle corresponde xa que considera “inaceptable que unha comunidade de veciños teña dificultades para afrontar os seus gastos con garantías a causa dos impagos do concello. “Logo presumen de pagar ao día pero a realidade que viven os veciños de Lugo é outra ben distinta”.
