EconomíaTransparencia

O PP critica que o bigoberno fraccione facturas de compra de subministro para a caldeira de biomasa de Frigsa eludindo realizar un contrato maior

By 1 Xaneiro, 2020Xaneiro 7th, 2020Sin comentarios

O concelleiro popular Antonio Ameijide desvelou que “en 15 meses os lucenses pagamos 123.062€ por un subministro a unha única empresa, a que escolleu o bigoberno, e pregunta “os motivos polos que incumpren, de xeito flagrante a lei de contratos do sector público, e non se unifica e publicita a compra para dar oportunidade a outras empresas e conseguir o mellor prezo”

O vicevoceiro do Grupo Popular Antonio Ameijide denuncia unha mala praxe do bigoberno que está fraccionando un contrato de compra de subministro que, polo importe que suma, debería sacarse a concurso público como contrato maior.

Antonio Ameijide explica que as facturas dos últimos 15 meses para a adquisición de pellets para a caldeira de biomasa que abastece os edificios da zona da antiga Frigsa (tanto os deportivos, como MIHL, auditorio Gustavo Freire ou biblioteca municipal) é duns 125.000 euros. “Estamos falando dunha cantidade importante que supera, con creces, o umbral de 15.000 € que se contempla para os contratos menores polo que está eludindo unificar e publicitar esta oferta para que outras empresas participen e se consigan unhas condicións máis vantaxosas”.

O popular manifestou que o fraccionamento de contratos é unha práctica abusiva e pide explicacións a PSOE e BNG das razóns polas que non se publicitou para invitar a outras empresas “saltáronse á toreira a lei de contratos do sector público preguntándose por que se fracciona de forma constante a compra deste subministro, así como, porque non saca un contrato grande que sexa máis beneficioso para os lucenses”.

Ameijide manifestou que o que ocorreu con esta compra de pellets supón unha práctica abusiva para evitar a obriga de publicitalos dando a oportunidade de presentarse a máis empresas incumprindo a Lei de contratos do sector público que no seu artigo 99 indica que non poderá fraccionarse un contrato coa finalidade de diminuír a contía do mesmo e eludir así os requisitos de publicidade ou os relativos ao procedemento de adxudicación que correspondan”.

Antonio Ameijide lembrou que o Partido Popular é partidario de crear un rexistro de empresas de Lugo co obxecto de que podan participar nos concursos negociados onde o Concello contrate obras por un importe inferior a 40.000 euros ou servizos e subministros por menos de 15.000 euros. Ameijide criticou que, actualmente, “é frecuente que nos procesos negociados non se inviten a empresas de Lugo a pesar de que hai emprendedores capacitados para executar estes traballos”.
O goberno municipal practica o sectarismo tamén na tramitación de contratos municipais invitando só aos que eles deciden.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies