Os populares cren que a mellor homenaxe ao escultor finado é manter e protexer a súa obra e tamén suxiren que se consensúe unha proposta “para dárlle a un espazo ou edificio público o nome do artista”
O PP agradece a boa disposición do bigoberno que hoxe se comprometeu a estudar a recuperación da escultura do San Sebastián Alanceado de Paco Pestana e tamén chegar a consensos entre os grupos políticos da corporación para dárlle a un espazo ou edificio público o nome do escultor finado.
A concelleira popular Beatriz Vázquez lembra como esta peza “perdeu a cabeza hai anos” e que de forma provisional apareceu ubicada nun muro da Praza Roxa “antes a peza lucía sobre unha peana que había nun lateral deste espazo”.
Dende o Grupo Popular cren que a mellor homenaxe ao artista finado é manter a súa obra e buscar un lugar apropiado para que os lucenses poidan disfrutar dela.
Outro rogo que se tratou na comisión de Cultura foi o relativo a organizar algún acto especial para a celebración do día das librerías que terá luga o vindeiro día 13 de novembro co obxecto de incentivar a lectura. Vázquez lamenta que o bigoberno zanxe esta proposta coa resposta de que “non van facer nada particular”.
