Tráfico

O PP afirma que o deixamento de Lara Méndez e Rubén Arroxo pon en risco a seguridade viaria na rotonda de Garabolos 

By 13 Marzo, 2022Sin comentarios

Os concelleiros do Grupo Municipal do PP esixen que se realicen de inmediato os traballos necesarios para corrixir este problema e que se estudien as causas deste afundimento para detectar a súa orixe e darlle unha solución

Os concelleiros do Grupo Municipal do Partido Popular no Concello de Lugo poñen de manifesto, unha vez máis, a incapacidade do goberno local para arranxar os problemas diarios dos lucenses, poñendo o foco nun blandón que hai na rotonda de Garabolos, xa denunciada o pasado mes de decembro, e que agora aumentou poñendo en serio risco a seguridade viaria.

Os concelleiros populares sinalan que dende o goberno local, lonxe de poñer unha solución ao problema, o que fixeron foi deixar que o blandón medrara sen control e poñer catro vallas e un cono. “En lugar de poñerse a traballar para dar coa orixe do problema, que pode ser unha fuga de auga subterránea, o que fan e poñer unhas vallas á espera de que se afunda de todo e apareza un cráter na rotonda”, lamentan.

Para os populares a desidia do goberno local é moi cuestionable, sobre todo ao ter en conta que por este punto pasan miles de vehículos ao longo do día, provocando evidentes dificultades á conducción, polo que urxe o arranxo deste blandón.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies