Economía

O PP afirma que a baixa recadación municipal e o complexo de novos ricos de Méndez e Arroxo colapsarán a economía do Concello de Lugo

By 3 Maio, 2022Sin comentarios

Antonio Ameijide lamenta “o perfecto caldo de cultivo” que Lara Méndez e Rubén Arroxo cociñaron para colapsar as arcas municipais, xa que á sentenza xudicial que impide que o Concello de Lugo cobre por ocupación da vía pública hai que engadir “o comportamento de novos ricos” da alcaldesa e o vicealcalde, que se dedican “a gastar moito máis do que ingresan”

Os concelleiros do Grupo Municipal do Partido Popular están “moi preocupados” ante a deriva que está a tomar a economía municipal, despois de coñecer que o Tribunal Superior de Xustiza de Galicia vén de ratificar a sentenza que anula o artigo 4 da ordenanza 152, de aproveitamentos especiais da vía pública.

Afirma Antonio Ameijide que “o camiño emprendido por Lara Méndez e Rubén Arroxo non podería ser peor” xa que esta ratificación o que supón na práctica “é que o Concello de Lugo non pode cobrar ningún tipo de taxa por ocupación da vía pública municipal”.

A sentenza do TSXG ratifica a anulación do artigo que establecía canto debería pagarse pola ocupación da vía pública. Unha situación que deixa “nunha situación perigosa ao Concello de Lugo” que non pode aplicar a ordenanza anterior xa que “cando Lara Méndez e Rubén Arroxo aprobaron a ordenanza que agora tumba a xustiza (é inaplicable ao anularse o artigo4), a anterior perdeu a súa vixencia. Quedou derogada, polo que non pode aplicarse”.

Agora, dende o Grupo Municipal Popular preguntan, tanto a Méndez como a Arroxo, se van a cobrar polos postos do Arde Lucus ou polas barracas e as casetas do polbo do San Froilán.

A realidade é que “a deriva” da alcaldesa e o seu vicealcalde “que se comportan como novos ricos: gastando o que non teñen e cada vez ingresando menos” deixa ao Concello de Lugo na “corda frouxa”. “Xa non falamos de que tanto Lara Méndez como Rubén Arroxo gasten máis do que ingresan, é que agora xa non van a poder ingresar unha importante cantidade de diñeiro por unha sentenza xudicial”, sinalou.

Relación do que o Concello de Lugo prevía ingresar en 2022

Ocupación subsolo, solo e voo: 1.117.187,65€

Terrazas, mesas e cadeiras: 35.000€

Outras taxas por utilización privativa do dominio: 742.048€

Total: 1.894.235,65€

Ante o difícil futuro que se lle plantexa agora ás arcas municipais, Antonio Ameijide pregunta á alcaldesa como vai a facer fronte, por exemplo, á factura eléctrica municipal, que se vai a duplicar, pasando de 5,5M€ a 11M€.

Dende as filas populares recordan que a propia documentación oficial do Concello de Lugo sobre a liquidación do ano 2021 xa recoñecía que as contas municipais era deficitarias, cun déficit duns 3M€, pero que en realidade é maior, en torno aos 16M€.

Unha situación que aínda pode empeorar xa que a ordenanza 153, das entradas de vehículos, tamén corre o risco de ser anulada xa que tamén se atopa xudicializada e, no caso de ser anulada, as arcas municipais tamén se verán afectadas, xa que o goberno local agardaba ingresar en 2021 750.000€ por este concepto, aumentado aos 850.000€ a previsión para 2022.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies