PersoalSeguridadeServizos xeraisTransparencia

O PP afea a Lara Méndez ter 11 días metido en caixas o material enviado pola Xunta e lle esixe que aclare que pensa facer co que dicía que non lle valía

By 14 Abril, 2020Sin comentarios

O concelleiro do Grupo Municipal do PP Antonio Ameijide pide a Lara Méndez que deixe a un lado a súa cruzada persoal contra a Xunta de Galicia e se poña a traballar para que todos os traballadores municipais e os lucenses teñan a súa disposición os elementos de protección necesarios para garantir a súa seguridade, algo que, polas informacións que manexan os populares non se fixo ata onte

O concelleiro do Grupo Municipal do Partido Popular no Concello de Lugo, Antonio Ameijide,criticou a actitude de Lara Méndez, que pola información que nos chegou, nos últimos 11 días “bloqueou sen ningún motivo” o reparto do material de protección que a Xunta de Galicia enviou ao Concello de Lugo para que empregasen os traballadores municipais.

Antonio Ameijide explica que o goberno de Alberto Núñez Feijóo realizou dous envíos con EPIS ao Concello de Lugo, nos que había un total de 21.000 luvas, 10.845 mascarillas e 173 traxes de protección e “pola información que temos” ata onte, luns 13 de abril, non se iniciou o reparto deste material entre os traballadores municipais, a pesar de estar en dependencias municipais dende o 2 abril. “É unha verdadeira lástima que  Lara Méndez tivera todo ese material desaproveitado durante tantos días cando hai persoal do Concello de Lugo que o precisa, un material que incluso se puido poñer a disposición da veciñanza de Lugo e dos colectivos máis vulnerables”, sinalou.

Unha actitude, a da alcaldesa de Lugo, “que busca a confrontación constante co  goberno galego” o que contrasta coa actitude colaborativa do goberno de Núñez Feijóo xa que “estamos seguros de que se a alcaldesa solicita máis material á Xunta de Galicia se enviará máis material de protección ao Concello de Lugo”.

Para o concelleiro popular, Lara Méndez actuou dun xeito “irresponsable e egoísta” xa que unicamente pensou na súa loita persoal contra a Xunta, en lugar de poñerse na pel dos traballadores municipais e lucenses que precisaban ese material de protección e non o puideron empregar. Neste senso, Ameijide recorda que hai días que o delegado da Xunta en Lugo, José Manuel Balseiro, enviou unha carta á alcaldesa para explicarlle que se ela seguía pensando que o material enviado polo goberno galego ao Concello de Lugo non era da súa conformidade, pese a que o material cumpre coa lexislación vixente e o Ministerio de Sanidade ratificou o seu uso, podería ser cambiado por outro, algo “ao que a alcaldesa aínda non respondeu” a pesar de que non o puxo a disposición de ningún funcionario municipal. “É curioso como a alcaldesa non come nin deixa comer, xa que despois de queixarse de ese material e de que a Xunta lle deu unha solución, non confirmou se finalmente o quería ou non, a pesar de que había varios alcaldes de concellos da provincia interesados nese material se ela finalmente o rexeitaba. É dicir, a actuación da alcaldesa afecta directamente aos lucenses e aos veciños doutros concellos da provincia”, explicou. Non protexe aos lucenses nin deixa que outros protexan aos seus veciños co material que ela non quere.

Antonio Ameijide recorda que desde o Grupo Municipal Popular xa se convidou a Lara Méndez a mercar material de protección (traxes antisalpicaduras, mascarillas e luvas) para repartir entre a cidadanía, algo que xa fixeron outros concellos da provincia, con moitos menos recursos que o concello lucense, como poden O Incio, Outeiro de Rei, Sober, Friol ou Mondoñedo.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies