O PP acusa a Lara Méndez de manipular aos veciños da Residencia tras suprimir case 300 aparcamentos no barrio

By 5 Novembro, 2021Infraestruturas

O vicevoceiro do Grupo Municipal do PP Antonio Ameijide acusa a Lara Méndez de suprimir 300 prazas de estacionamento na Residencia e manipular e tentar enganar aos veciños coa creación de 48 aparcamentos no entorno do Castiñeiro, a medio quilómetro, non sendo útiles para os veciños da contorna da vella residencia

O vicevoceiro do Grupo Municipal do Partido Popular no Concello de Lugo, Antonio Ameijide, acusa a Lara Méndez de “manipular” aos veciños da Residencia tralo anuncio realizado pola rexedora de crear 48 prazas de estacionamento tras destruír uns 300 aparcamentos para crear o carril bici.

Varios concelleiros populares visitaron onte A Residencia, onde tiveron ocasión de reunirse con veciños e comerciantes do barrio, para comprobar como recibiran no barrio estea nuncio, xa que a solución proposta por Lara Méndez pasa por reordenar o tráfico na Avenida de Breogán, nas proximidades da Praza do Castiñeiro, unha zona na que as prazas de estacionamento tamén son necesarias, pero que non soluciona o problema creado por Méndez na Residencia.

Ante esta situación, Antonio Ameijide propón a Lara Méndez que estude a posibilidade de buscar bolsas de chan na Residencia para poder negociar cos propietarios a cesión temporal deses terreos para crear neles novas prazas de aparcamento e así paliar a perda de 300 estacionamentos.

Ante esta nova posible solución, os populares instan a Méndez a poñerse a traballar nestes posibles convenios para habilitar novos aparcamentos disuasorios, que poderían pasar por unha “cesión temporal e a cambio o concello asumiría a limpeza e mantemento do solar así como a sinalización e, incluso, se podería estudar exencións ou bonificacións aos propietarios destes solares, por exemplo no IBI”.

O concelleiro popular recorda a Méndez que o carril bici é unha proposta moi interesante para Lugo, pero non a costa de danar a un barrio enteiro, suprimindo centos de prazas de aparcamento sen dar solucións útiles e reais para os veciños afectados, que non serán unicamente os deste barrio, se non que serán todos os veciños da cidade xa que cómpre recordar que nesta zona a Xunta de Galicia está a construír un centro de saúde, un PAC, unha residencia para persoas da terceira idade e unha oficina de emprego.

Tamén urxe o vicevoceiro popular unha correcta sinalización do tráfico no barrio, xa que moitos veciños afirman non saber que facer xa que as sinais verticais e as horizontais entran en conflicto, xa que hai zonas nas que discorre o carril bus pero se permite, segundo a sinalización, estacionar aos autobuses ou outras zonas nas que hai carril bici pero a sinalización vertical establece a zona como aparcamentos.

Leave a Reply

1 × 1 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies