El PP pide que no se cobre la basura y el agua a autónomos y pymes afectados por el Covid-19

Los populares también reclaman exención o descuentos en las tasas por aprovechamientos especiales de vía pública ya que “es injusto que los que tienen la calle andamios, grúas, colectores para acopios de material… tengan que pagar por ellos aunque no los usaran debido a la paralización de la actividad”

O PP solicita que non se cobre o recibo do lixo e auga dos meses que estemos en estado de alarma aos negocios, pemes e autónomos que tiveron que pechar ou que baixaron ata o 70% a súa facturación.

O vicevoceiro popular Antonio Ameijide lembrou que estas dúas taxas supoñen un desembolso trimestral que pode rondar, no que respecta ao lixo, entre os 213 de máximo que podería chegar a pagar un comercio aos 403 € de máximo que tería que pagar un hostaleiro. Canto ao recibo da auga o fixo trimestral para uso non doméstico é de 21 €.

Os populares tamén solicitarán eliminar o cobro das acometidas á rede de distribución de auga aos negocios e empresas que abran despois do estado de alarma que suponen un desembolso de 98,78 €.

O vicevoceiro popular lembrou como o grupo municipal xa intentou, durante a revisión de ordenanzas de taxas e prezos públicos, que se tivese en conta á hora de cobrar a retirada de residuos sólidos urbanos o tipo de negocio, así como se a empresa dispoñía dun sistema de xestión de residuos xa que “non é o mesmo volumen de lixo que xera un despacho de avogados de 50m2 que o que produce un supermercado de 500m2, ainda que ambos paguen exactamente o mesmo por este concepto”

Outra medida que se podería plantexar son exencións ou descontos nas taxas por aproveitamentos especiais de vía pública xa que “aquelas persoas que non puideron traballar e que teñen andamios, grúas, colectores para acopios de material … é inxusto que se lles cobre pola colocación destes elementos na rúa os días nos que estivo paralizada a actividade” matizou Ameijide.

Outras taxas nas que os populares suxiren que se estuden descontos é no Imposto de Bens Inmobles para empresas e particulares que sufrirán unha baixada de ingresos do 70%; así como na prestación do servizo de centro de día reclamando “que non se cobre a taxa aos usuarios que non están facendo uso deste servizo”.

Leave a Reply

veinte + siete =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies