InfraestructurasZona Rural

El PP pide al gobierno local agilidad y ambición para solucionar los problemas de cobertura móvil y ausencia de fibra óptica en el municipio

By 23 enero, 2023No Comments

Ramón Carballo señala que para solucionar los problemas de cobertura móvil se estima necesaria la construcción de tres torres en el municipio, para lo cual Retegal ya seleccionó las mejores localizaciones pero sigue esperando la que el Ayuntamiento de Lugo ponga los terrenos a disposición

Nas numerosas xuntanzas mantidas polos concelleiros do Grupo Municipal do Partido Popular nas diferentes parroquias do Concello de Lugo sempre saen á luz varios problemas comúns na zona rural: necesidade de contar con abastecemento e saneamento, mal estado das pistas e necesidade de contar con fibra óptica e cobertura móbil.

Ante este último problema, no Grupo Municipal Popular seguen defendendo que estas redes cheguen a todas as parroquias lucenses, xa que é preciso para axudar a asentar poboación e empresas no noso rural.

Ramón Carballo explica que defenderán no pleno deste mes unha iniciativa para que o Concello de Lugo realice unha revisión das zonas de sombra de telefonía móbil para garantir este servicio na totalidade do territorio municipal e facilitar as parcelas precisas para a construción das torres que permitan dar cobertura conforme ao actual convenio.

Ademais, recorda o voceiro popular, que para garantir que a rede de fibra chegue á totalidade do municipio é preciso instar ás empresas adxudicatarias das axudas estatais a que doten dos servicios acordados na totalidade dos núcleos e realicen un informe detallado da situación da cobertura de fibra óptica de todos os núcleos e todas as parroquias.

A realidade é que a influencia de internet e a necesidade de comunicación a través da telefonía é tan grande que a día de hoxe pode considerarse unha necesidade básica, imprescindible para o traballo, o entretemento e para unha morea de actividades da vida cotiá.

Actualmente existe un convenio asinado entre Amtega e a Fegamp para a mellora da telefonía móbil en 15 núcleos do noso concello, un número que resulta escaso para a cantidade de parroquias que carecen deste necesario servicio.

En desenvolvemento deste convenio, Amtega concedeu unha subvención ao operador Vodafone para dar cobertura a eses núcleos e para chegar a este obxectivo faise preciso a execución das torres necesarias para dar a cobertura.

Como paso previo a que o concello poida adherirse ao citado convenio, é preciso identificar parcelas válidas para a colocación das torres que permitan dotar de cobertura a esas poboacións, parcelas que teñen que poñerse á disposición da Xunta de Galicia por parte do Concello de Lugo.

Estímase que é necesaria a construción de tres torres no municipio, para as que se seleccionou unha posible localización, que xa foi comunicada por Retegal ao concello e, na actualidade, a empresa está á espera de que dende o Concello de Lugo lle trasladen as posibles parcelas para a construción das torres que axuden a solucionar o problema da cobertura de telefonía móbil.

No referente á fibra óptica nestas, as actuacións derivadas de subvencións do Goberno de España para o Concello de Lugo non cobren a totalidade do municipio, quedando aínda numerosas zonas de sombra.

Responder

1 + catorce =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies