Tráfico

El PP lamenta que Lara Méndez pida hoy paradas de bus en todos los ayuntamientos de Galicia después de votar ayer en contra de hacer esa reclamación a Pedro Sánchez

By 29 julio, 2022No Comments

Para los populares es curioso que Lara Méndez se manifieste hoy a un lado de las juventudes de su partido para pedir paradas de autobús en todos los ayuntamientos gallegos pese la que ayer mismo apoyó la propuesta del mapa concesional de Pedro Sánchez, que retira las paradas a los vecinos de Palas, Chantada, A Pontenova, Monterroso, Meira, Quiroga, O Corgo, Pedrafita, Guitiriz, Baraja o As Nogais

Os concelleiros do Grupo Municipal do Partido Popular amosaron a súa sorpresa despois de que Lara Méndez apoiase hoxe unha petición de impulso dunha iniciativa lexislativa popular do seu partido para “mellorar o transporte interurbano en Galicia”.

Para os populares a sorpresa é maiúscula, xa que onte mesmo, Lara Méndez e o seu grupo municipal votaron en contra dunha iniciativa do PP, apoiada polo BNG, para pedir a Pedro Sánchez unha reforma do mapa concesional do transporte por autobús. “Queda clara a dobre moral de Lara Méndez á fronte do Concello de Lugo. Primeiro vota en contra dunha moción para pedir ao Goberno Central que garanta e mellore o servizo de transporte por autobús cun novo mapa concesional que non prexudique ao mundo rural, pero logo se permite a licenza de realizar esixencias á Xunta de Galicia”, lamentan.

Os populares critican á rexedora e sinalan que “é curioso que hoxe Lara Méndez defenda que todos os concellos de Galicia deben dispoñer, como mínimo, dun traxecto diario de ida e volta aos concello adxacentes, mentres onte defendeu que o Goberno Central deixe tirados a 35.000 lucenses eliminado a parada aos veciños de Palas, Chantada, A Pontenova, Monterroso, Meira, Quiroga, O Corgo, Pedrafita, Guitiriz, Baralla ou As Nogais”.

A postura de Lara Méndez chama a atención no Grupo Municipal do Partido Popular, xa que tenta vender esta proposta como unha ILP, coma se partise dun grupo de particulares o dunha asociación ou entidade, a pesar de que parte do propio PSOE, que conta con grupo parlamentario a nivel autonómico e goberna a nivel nacional.

Para os concelleiros populares esta postura de Lara Méndez só se entende dun xeito: “o nulo peso de Lara Méndez dentro do PSOE a nivel nacional provoca estas situacións, xa que non para de facer guiños a Madrid, sen importarlle as consecuencias para os lucenses”.

Por iso, os concelleiros populares lamentan “a oportunidade que onte perdeu a rexedora” e a instan a dar cumprimento inmediato ao acordo tomado no pleno ordinario de onte xa que “debe respectar a decisión da maioría”.

Responder

7 + ocho =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies