En el PP realizaron durante todo el verano una revisión constante de estas pantallas informativas y durante estas semanas se comprobó como de las pantallas que hay en la ciudad solo 8 funcionaban correctamente, 6 lo hacían de manera intermitente y 7 nunca llegaron a estar operativas
Hai máis dun ano que se puxeron en marcha as novas liñas de bus urbano e o sistema non funcionou, ao contrario os buses seguen perdendo viaxeiros porque as novas liñas non se adaptan ás necesidades dos lucenses, tal e como os veciños deixaron claro nas numerosas peticións de cambio das liñas realizadas e en que os paneis informativos “que ían revolucionar o transporte público” funcionan de xeito intermitente.
Explica o concelleiro Óscar Poy que despois de realizarse unha revisión destes paneis durante as últimas semanas comprobouse como “algunhas pantallas non funcionan, outras presentan a mensaxe ‘sen datos’ e outras unha mensaxe de error do sistema”.
O número de paneis informativos distribuídos pola cidade é de 21 e na revisión realizada por Óscar Poy certificouse que durante todo o verán houbo:
- 8 pantallas que sempre funcionaron
- 6 pantallas que funcionan de xeito intermitente
- 7 pantallas que nunca funcionaron
“Puiden comprobar como o 60% das pantallas dá erro ou non funciona e todo a pesar de que o concelleiro responsable do transporte urbano, Rubén Arroxo, afirmou na última comisión que o 100% das pantallas funcionaba correctamente e que, en caso de avaría, solucionábase nunha hora desde que se tiña constancia da mesma”, explicou o popular, que continuou dicindo que “trala revisión realizada durante as últimas semanas podemos confirmar que ambas afirmacións son falsas”.
O concelleiro popular critica tamén a imposibilidade que teñen os lucenses para saber onde se atopan os buses en cada momento, xa que falla a opción de consultar canto tarda en pasar un bus por unha parada determinada, seguimos sen ter unha APP e tampouco se pode consultar en Google Maps (como si que se pode consultar noutras moitas cidades), sen esquecer que a web urbanosdelugo.com non informa de todas as liñas.
Por iso, Óscar Poy aproveita para recordar a Rubén Arroxo “a diferenza entre o que prometía dende a oposición e o que ofrece aos lucenses desde que forma parte do goberno local”. Óscar Poy pon sobre a mesa a proba piloto que realizara o nacionalista en febreiro de 2019, trala cal Rubén Arroxo afirmou “se desde o BNG, con 12 teléfonos móbiles somos capaces de crear un sistema de control, á alcaldesa tería que caerlle a cara de vergoña cando di que non se pode implantar un sistema similar na cidade”por dificultades técnicas”.
