transparencia

El PP llama a la participación de los lucenses con su nueva web

By 4 febrero, 2016No Comments

Jaime Castiñeira destaca el “triple impulso” a la participación vecinal en www.ppdelugo.com con nuevos formularios de contacto, la apertura a comentarios y la posibilidad de compartir los contenidos a través de redes sociais

O Grupo Municipal do Partido Popular reforza a posibilidade de participación dos lugueses a través da súa nova web www.ppdelugo.com posta en funcionamento esta mañá aínda que incorpora todos os contidos elaborados dende o inicio deste mandato.

Nesa liña, o voceiro dos populares, Jaime Castiñeira, explicou que “este triplo impulso á participación” canalízase a través de varias ferramentas: a incorporación de dous formularios de contacto, na sección Participa e na de Respondemos, nos que se permite incorporar fotografías que ilustren denuncias, queixas ou propostas así como diversos datos de contacto “para favorecer un diálogo fluído”. Paralelamente, tamén se abren a comentarios as diferentes notas de prensa, “para que os veciños poidan libremente expresar a súa opinión con respecto á nosa postura e ás nosas propostas”, así como a integración de botóns cos que os usuarios poidan compartir nas redes sociais Facebook e Twitter os contidos da web. “Tal é a nosa aposta pola participación que o primeiro que atopa calquera veciño que acceda á web é esa chamada ás súas ideas”, sinalou o popular.

Novidades da web.-

O voceiro do Grupo Municipal do Partido Popular Jaime Castiñeira tamén sinalou que a web inclúe unha serie de novidades con respecto á anterior versión deste portal dixital. Entre elas, aludiu á incorporación de contidos en audio e vídeo, como os cortes de voz que acompañan a cada nota de prensa; á posta en funcionamento de dúas versións nos dous idiomas oficiais do país; á presentación do equipo de concelleiros “dun xeito máis visual e cun currículum vitae de cada un deles, así como as áreas que ten encomendadas no grupo”; á nova sección de Acción municipal na que se integran todas as proposicións plenarias defendidas polos edís populares “para facilitar tamén o control cidadán respecto da nosa estratexia”; e o enlace ao proxecto para Lugo, no que se enlaza á web de campaña de maio de 2015.

Castiñeira subliñou que “en definitiva, trátase dun espazo moito máis aberto, intuitivo, visual e dinámico, onde o que verdadeiramente importa son o diálogo e as ideas dos lucenses, que son as que, sumadas ao noso esforzo e á nosa capacidade institucional, poden facer avanzar a Lugo diante dun goberno hermético, pechado en si mesmo e sen ningunha idea de presente nin de futuro para o municipio”.

Por último, os populares continuarán incrementando o seu contacto cos lucenses, acompañando esta nova ferramenta online cun novo calendario de presenza en rúas e na zona rural. A título de exemplo, varios edís desta formación política visitarán mañá venres día 5 parroquias coma Santa María de Bóveda, Recimil ou Carballido, entre outras.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies