PoliciaSeguridad

El PP pide el respaldo en pleno de PSOE y BNG para integrarse en el VioGén

By 25 octubre, 2019octubre 30th, 2019No Comments

Los populares afirman que la mayor parte de los ayuntamientos de la provincia que tienen policía local, y que cuentan con más de un agente en plantilla, están adheridos la este protocolo de colaboración firmado en el año 2006 entre el Ministerio del Interior y la FEMP

O Partido Popular elevará a pleno unha iniciativa para que o Concello de Lugo se adhira ao protocolo de Violencia de Xénero coñecido como VioGén. A concelleira do PP María del Carmen López Silva esixe ao bigoberno de Lugo que “esté á altura e que non se poña de perfil nun asunto deste calado, tal e como fixo ata o de agora” afirmando que “sorprende que un goberno que presume de políticas de igualdade ainda non se adherise a este protocolo”.

A popular explicou que esta ferramenta, impulsada pola FEMP a través dun protocolo asinado no ano 2006 co Ministerio do Interior ofrece aos concellos con policía local a posibilidade de establecer colaboración entre corpos de seguridade do Estado e a Policía Local. No caso da provincia de Lugo “dez dos quince concellos que teñen axentes da local se sumaron a este protocolo” detallando que “houbo casos nos que algún municipio non puido integrarse no VioGén porque só tiñan un único policía local e non había quen se fixera cargo das vítimas asignadas ao axente durante as vacacións”.

A edil do Partido Popular afirma que a alcaldesa de Lugo non ten disculpas que xustifiquen o seu rexeitamento a adherirse ao VioGén “poñendo como disculpa que non hai suficientes axentes, cando foron os sucesivos gobernos socialistas os que non convocaron prazas nin preveeron a tempo as xubilacións dos axentes”.

“É unha mágoa que se conformen cos minutos de silencio e a política de pancartas e que se empeñen en utilizar un tema tan sensible como este como arma arroxadiza” en alusión á polémica da semana pasada a conta das declaracións do alcalde de Ourense sobre este protocolo.

Para López Silva “o concello de Lugo non debe escatimar medios para levar a cabo unha correcta e real cooperación con todos os actores implicados na Violencia de Género”. A edil razoaba que “o lóxico xa sería que non tiveramos que levar esta iniciativa a pleno; o lóxico sería que por iniciativa propia PSOE e BNG se integrasen no VioGén e aproveitasen, deste xeito, todos os medios que hai a disposición das administracións locais, tal e como fan noutros concellos galegos”.

Os populares cren que “hai que pasar das boas intencións aos feitos e, nese senso, o concello de Lugo ten moitos deberes pendentes”. María del Carmen López Silva pediu que na vindeira Comisión de Servizos Sociais o bigoberno informe da situación do protocolo municipal da Violencia de Xénero que encargou o concello a unha consultora e polo que pagou 1800 euros; a edil do PP tamén pregunta porque non se convocou, dende 2011, a Mesa de Violencia de Xénero así como pola situación do Plan de Igualdade que leva anos sen actualizar e tamén recriminou que o Concello de Lugo non se adherise á Rede de entidades Locais contra a violencia de xénero a través dun convenio de colaboración coa Fegamp.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies