Zona ORA

Comunicado conxunto dos grupos municipais do PP, Lugonovo, BNG, Ciudadanos e ACE sobre a ORA

By 1 Outubro, 2015Xaneiro 12th, 2016Sin comentarios

Tras a reunión mantida esta mañá polos voceiros dos grupos políticos do Partido Popular, Lugonovo, Bloque Nacionalista Galego, Ciudadanos e Alternativa Cidadá de Esquerdas, en relación á implantación dun novo modelo para a zona ORA, manifestamos que

  1. Despois dunha consulta técnica ao secretario municipal, os grupos políticos asinantes acordamos presentar unha iniciativa conxunta no vindeiro pleno en relación co servizo público de regulación de aparcadoiros na vía pública (ORA), co seguinte contido:

“Dado o debate actual no que nos atopamos en relación co servizo público de regulación dos aparcadoiros na vía pública (ORA), dados os acordos adoptados no anterior pleno a este respecto e dado que estamos no momento oportuno de tomar unha decisión sobre o futuro deste servizo para camiñar cara a unha cidade máis humana e máis sustentable, é polo que os grupos asinantes consideramos de interese municipal que o pleno da corporación acorde:

  1. Iniciar o expediente de municipalización do servizo da ORA de acordo co artigo 97 do texto refundido das disposicións legais vixentes en materia de réxime local.
  2. Iniciar o proceso de suspensión das ordenanzas que afectan á regulación deste servizo público.
  3. Iniciar, en todo caso, estes procesos antes do 15 de novembro de 2015. 

Agardamos e invitamos ao goberno municipal do PSOE a que apoie esta iniciativa no pleno e se sume a traballar na comisión que terá que constituír para a formalización do expediente correspondente.

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies