O Grupo Municipal do Partido Popular reafirma a súa disposición ao diálogo e á cooperación institucional. Neste sentido, a voceira Elena Candia anunciou que trasladará ao novo alcalde, Miguel Fernández, na reunión solicitada formalmente o pasado 12 de marzo, un paquete de medidas que considera prioritarias.
Unha delas é a da mellora das actuais instalacións da Protectora de Animais “unha demanda compartida por moitos veciños e mesmo polo propio Miguel Fernández que así o ratificou no discurso de toma de posesión”.
Nese senso Elena Candia anunciou que a Xunta de Galicia cofinanciará a reforma deste servizo xunto co Concello e coa Deputación indicando que este compromiso da administración autonómica o adquiriu nunha reunión que mantivo a voceira municipal e a Conselleira de Medio Ambiente e Cambio Climático.
A voceira popular subliñou que “o normal sería que as 3 administracións se implicasen neste proxecto nós seguiremos defendendo que se mellore a ubicación actual en lugar de trasladala a outro lugar”.
A Deputación aprobou unha iniciativa do PP –coa adhesión dos deputados do BNG e o voto en contra do PSOE– para ampliar e mellorar a Protectora na súa localización actual.
Pola súa banda o goberno local vén de rexeitar a alegación aos orzamentos para este 2025 presentada pola Protectora para a súa legalización e mellora. Hai que lembrar que nos orzamentos municipais deste ano, tras a presión da veciñanza, incluíronse 100.000 € para melloras nas instalacións da Protectora e 400.000 € para a construción dunha nova nunha localización distinta, decisión que conta coa oposición dos voluntarios do servizo.
A voceira popular manifestou que dende o PP iniciamos a principios de mandato a así llo trasladarei a Miguel Fernández.
