Infraestruturas

O PP afirma que o bloqueo do BNG á Ronda Leste débese a que está secuestrado por asociacións afíns

By 23 Febreiro, 2023Sin comentarios

Ramón Carballo afirmou no pleno desta mañá que Rubén Arroxo usa a Ronda Leste “unicamente con intereses electoralistas” despois de ver como dende que é vicealcalde “perdeu o seu espírito reivindicativo na defensa das costas do parque e o derrubo do Garañón”

A Rolda Leste é unha infraestrutura parcialmente executada, que discorre integramente no termino municipal de Lugo, configurando un anel de circunvalación da cidade xunto coas N-640 e N-6.

A Xunta de Galicia, a través da Consellería de Infraestruturas e Mobilidade, recibiu recentemente o proxecto de trazado de prolongación da Rolda Leste, dende a glorieta da estrada de Fonsagrada (LU-530) ata a glorieta da Avda. Madrid coa N-6. Unha vía moi demandada por diferentes colectivos da cidade e un compromiso firme da Xunta de Galicia que permitiría pechar o anel de circunvalación, axudando a eliminar tráfico de vías como a do Rato ou a Avda. Fontiñas e que permite establecer o nexo de comunicación principal co Hospital Universitario Lucus Augusti (HULA), que é o centro sanitario de referencia para toda a provincia.

A nova vía, que completa o tramo inicial xa construído entre A Campiña e a estrada de A Fonsagrada, prevé dous carrís por sentido separados por unha mediana, incluíndo dous pasos superiores e tres inferiores, e un viaducto de 120 metros sobre o río Rato e o seu parque.

Estamos a falar dunha infraestrutura clave para o crecemento da cidade que permite vertebrar de norte a sur os desprazamentos e reducir a densidade de tráfico. Un paso máis na comunicación e nunha infraestrutura imprescindible para o desenvolvemento da cidade.

Por todo isto, o Grupo Municipal do Partido Popular, que subscribe esta proposición, considera de interese municipal que o Pleno da Corporación Municipal acorde:

Que o Concello de Lugo apoie a construcción por parte da Xunta de Galicia da infraestructura viaria denominada Rolda Leste dando cumprimento a toda a normativa local e sectorial de aplicación.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies