Cultura

O PP lamenta a improvisación de Lara Méndez co Caudal Fest e pedirá acceso aos datos do custe real para as arcas municipais

By 20 Agosto, 2020Agosto 31st, 2020Sin comentarios

A concelleira do Grupo Municipal do PP Beatriz Vázquez lamenta que tivéramos que coñecer a través dos medios de comunicación o cambio de localización dos concertos do Gustavo Freire, xa que o Concello de Lugo non emitiu ningún comunicado oficial a través da súa páxina web nin da web oficial do Caudal Fest e pregunta se finalmente se vai a facer o festival

A concelleira do Grupo Municipal do Partido Popular no Concello de Lugo, Beatriz Vázquez, critica con dureza a improvisación de Lara Méndez con todo o que rodea esta edición do Caudal Fest, xa que despois de que o Grupo Popular desvelara que varios concertos deste festival se solapan coa Mostra de Teatro Clásico, anunciou un cambio de localización, aínda que non de xeito oficial.

Beatriz Vázquez lamenta a falta de criterio e o pouco sentido institucional de Lara Méndez xa que non emitiu ningún comunicado oficial do cambio de localización dos cambios dos concertos do Gustavo Freire. “Na páxina web do Concello non hai nada e tampouco na web do Caudal Fest. Tivemos que enterarnos a través dos medios de comunicación. Aí demostra a alcaldesa o pouco traballo que fai”, afirmou.

Unha improvisación “que non podemos tolerar” xa que pode poñer en risco a seguridade dos miles de asistentes destes concertos. Por iso, a concelleira popular anuncia que se pedirá acceso a todo o relacionado co Caudal Fest, sobre todo para coñecer os protocolos de seguridade, as achegas económicas que realiza o Concello de Lugo a este evento e o retorno que terá para a cidade.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies