O concelleiro popular Antonio Ameijide asegura que “houbo empresas que chegaron a facturar preto de 440.000 € por este sistema” o que confirma a crítica dos populares de que “socialistas e nacionalistas abusan de forma sistemática deste modelo de contratos a dedo”

O Partido Popular desvelou que o bigoberno de Lugo repartiu durante o pasado exercicio 6.722.179,35 € en 1.343 contratos menores. O vicevoceiro popular explicou que a situación é moito peor do que preveíamos xa que “estamos a falar de que socialistas e nacionalistas repartiron ao día, con esta fórmula de contratos a dedo, 26.156 €”.

Os populares explican que, por fin,  tras moito tempo reclamando o acceso a esta documentación conseguiron á listaxe que lles facilitou o bigoberno. Lamentan que “sexa rudimentaria e moi opoca xa que, nesta listaxe, tan só figura o nome do obxecto do contrato, importe e adxudicatario pero nin se especifica a data da súa formalización, nin o departamento que fai a contratación, nin se se pediron máis ofertas”. Todo apunta a que o bigoberno utiliza a fórmula de “contratos a dedo saltándose o principio de igualdade que se supón debería aplicar”.

“Agora entendemos que non quixeran dar a coñecer os seus chanchullos” reflexionaba Ameijide tras atopar casos de empresas que chegaron a facturar por este sistema os case 440.000 €”.

Antonio Ameijide tamén criticou o gasto desorbitado para decorar o xardín do CEI-Nodus ao gusto do concelleiro de turno xa que “pagaron varias facturas de mobiliario para a plaza (9.222,50);  sombrillas (6.388,80); toldos (5989,50); vinilos, mupis (10.288,16 €); cinceiro exterior ((331,54 €); ambientadores (1070 €). Os populares insisten en que os caprichos do bipartito non teñen porque pagalos os cidadáns lembrando que “neste ano tan crítico é unha superficialidade facer este gasto”.

Tampouco é de recibo o gasto de 18.119,75 € nunca cata de viño no claustro da Catedral dentro da Feria Lucus in vino, Veritatis 2020. Aos populares tamén chámalles a atención “o uso abusivo desta fórmula de contratos no caso do San Froilán onde case se achega ao medio millón de euros”.

Leave a Reply

four + 11 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies