As declaracións de Rubén Arroxo asegurando que “mentres leve Mobilidade non haberá máis carrís bici segregados” non poden estar por riba do que está aprobado oficialmente e por escrito.
O que aprobou o Concello de Lugo, gobernado por PSOE e BNG, é un Plan de Mobilidade Urbana Sostible (PMUS). E un PMUS non é unha opinión nin unha intención política: é un documento de planificación de obrigado cumprimento que ordena a mobilidade da cidade.
Ademais no caso de contradición co Plan Xeral, prevalece o PMUS segundo figura no Artículo 150.2. que indica que “se existiran incongruencias esenciais entre o Plan de Mobilidade do Concello e o Plan Xeral, prevalecerá aquel e se modificará este”.
É dicir, o que vincula legalmente non é unha declaración puntual, senón o documento aprobado, que contempla a ampliación da rede ciclista ata os 47,4 quilómetros.
Se a única garantía de que o PMUS non se execute é a palabra do señor Arroxo, convén lembrar dous feitos moi claros:
Primeiro. O 26 de decembro o propio tenente de alcalde afirmou que o PMUS estaba aprobado de forma definitiva. Posteriormente, tras a admisión do noso recurso polo TSXG, víronse obrigados a abrir un novo prazo de exposición pública (que remata o 18 de marzo).
Isto evidencia que o tenente de alcalde faltou á verdade no pleno. Ese é o valor da súa palabra.
Segundo. As responsabilidades de goberno cambian. Hoxe a área de Mobilidade está en mans do BNG; mañá pode estar en mans do PSOE. As declaracións políticas pasan, pero os documentos aprobados permanecen.
Política útil
Nós seguiremos traballando para que os lucenses coñezan con claridade o modelo de cidade que PSOE e BNG pretenden implantar e que está recollido neste documento.
Un plan que transforma profundamente numerosos espazos urbanos e que pode xerar importantes problemas de mobilidade no día a día.
Porque decisións desta magnitude non poden adoptarse sen transparencia, sen información clara e sen o consenso da veciñanza.
Esta semana temos xuntanzas:
- Mércores 4 de marzo:
Zona Avenida de A Coruña ás 20.30 horas en Café Bar Darío Avda de A Coruña, 298
- Xoves 5 de marzo:
- Zona Gándaras ás 20.30 horas en Local Parroquial (San Xosé s/nº)
