O Partido Popular dá un novo paso no seu modelo de mobilidade para a zona norte de Lugo coa proposta de construír
un aparcamento en altura na rúa Castelao.
Esta iniciativa súmase ás intervencións presentadas no mes de maio no barrio da Estación —a pasarela e o ascensor panorámico para conectar a Intermodal coa Muralla—, logo de consultar o proxecto co que o goberno local optaba aos fondos europeos e ao que aportamos melloras en lugares que non contemplaba-
O conxunto de actuacións propostas polo PP (pasarela + ascensor panorámico + aparcadoiro en altura + melloras de accesibilidade en Paradai) poderían financiarse cos fondos do Plan Novo Norte, que reserva 5,2 millóns de euros a proxectos de accesibilidade dentro dun total de 20 millóns destinados á rexeneración urbana.
O contexto é claro: estamos ás portas de saber se Lugo recibirá ou non os fondos do Lugo Norte, e por iso presentamos esta proposta que facilitaría o acceso ao centro e xeraría novas prazas de aparcamento nun punto estratéxico da cidade.
Nesta FASE 2 os populares presentaron un proxecto para facer o aparcamento en altura rúa Castelao detrás do Edificio Administrativo da Xunta. Trátase dunha infraestrutura coa que intentamos solucionar os problemas de estacionamiento que hai na zona. O Plan Xeral permitiría crear arredor de 240 prazas e reservar uns 1.000 metros cadrados para uso público, aínda que existen mecanismos urbanísticos que poderían duplicar o número de prazas.
“Falamos dunha dotación pensada para mellorar a vida cotiá dos lucenses e tamén para atraer actividade ao centro histórico”, explican os populares, que lembran que esta proposta xorde das reunións de escoita activa celebradas co tecido social da cidade, e que foi defendida pola asociación Lugo Monumental. A súa execución tería que facerse sempre co consenso dos
propietarios dos terreos.
Este proxecto encádrase na idea global do PP de crear unha rede de aparcadoiros en altura na cidade, presentada en abril de 2024. Ademais das alternativas xa avanzadas na zona de Fontiñas, os populares estudaron localizacións no barrio da Milagrosa, así como en parcelas próximas á rúa Santiago ou a rúa Paxariños.
Nesta FASE 2, o PP tamén propón melloras de accesibilidade no barrio de Paradai, outra petición plantexada nas reunións de escoita activa. Trátase de recuperar a conexión que aportaba unha escaleira que conectaba o Parque do Sagrado Corazón coa Avenida Infanta Elena á altura do barrio Paradai. A súa desaparición debe compensarse cun novo sistema de conexión en altura que garanta a accesibilidade neste punto. As opcións poden pasar pola instalación dun elevador ou pola construcción dunha nova rampa, cun trazado suficiente para acadar unha pendente adecuada e cómoda para os usuarios.
Co aparcadoiro en altura que hoxe se presenta completaríamos a actuación xa anunciada polo PP no mes de maio na FASE 1 que presentamos en maio contemplaba instalar un ascensor panorámico e unha pasarela mecánica que salvarían os 27 metros de desnivel dende a Intermodal ata a Muralla.
1.- O elevador panorámico, con capacidade para 12 persoas, estaría
situado nunha parcela entre os edificios das rúas Alta e Miguel de Cervantes,
nas proximidades dunha das saídas da nova estación. Permitirá salvar un
primeiro desnivel de 8 metros e facilitar o acceso desde a zona baixa da
intermodal cara o centro.
2.- A pasarela mecánica cuberta, estruturada en cinco tramos de
aproximadamente 32 metros cada un, discorrería paralela á fachada dereita
do edificio multiusos da Xunta. En total, o percorrido terá unha lonxitude de
175 metros cunha pendente do 12% ou lixeiramente superior, cumprindo cos
criterios de accesibilidade universal. Este sistema permitirá conectar de
forma directa a Rúa Alta con Miguel de Cervantes e coa Ronda da Muralla,
resolvendo o desnivel de maneira cómoda para toda a cidadanía.
Os populares conclúen insistindo en que, sumando as dúas fases da súa proposta de mobilidade (ascensor + pasarela + aparcadoiro +melloras accesibilidade paradai), Lugo tería un plan de mobilidade moderno, accesible e sostible co que por fin se conectaría de maneira cómoda a nova estación intermodal coa Muralla e co centro da cidade e se gañarían prazas de aparcamento.
