No Consello de Administración de Empresa Pública Municipal de Vivenda e Suelo de Lugo, os concelleiros do grupo municipal do PP tiveron a oportunidade de constatar que non se convocaron axudas ao alugueiro no ano 2024, unha decisión política relacionada coas prioridades do goberno bipartito, (nominadamente, a concellería de Benestar Social).
Propuxemos unha nova convocatoria de axudas ao alugueiro, modificando as bases para ter en conta a situación real do mercado inmobiliario, pois de non actualizarse as bases estas axudas poderían non chegar a quen verdadeiramente as precisan.
Asemade, prantexouse a posibilidade dunha nova convocatoria de axudas para a rehabilitación de vivendas no casco histórico ao constatarse que a maioría non foron adxudicadas.
Entendemos que esto débese ao feito de que non existe unha práctica transparente á hora de convocar ditas axudas, pois entre a data de publicación oficial das mesmas e o peche do prazo para poder presentarse a elas transcurre moi pouco tempo.
Por iso, pediuse que a nova convocatoria sexa anunciada con tempo suficiente como para permitir aos veciños do casco histórico ter coñecemento das mesmas e marxe de maniobra para poder presentarse ás mesmas, non coma ata o de agora.
Lamentablemente, a deixadez do bipartito impide que se podan convocar axudas para a rehabilitación de vivendas noutros barrios da cidade, ademáis de amosarse, unha vez máis, que EVISLUSA continúa a ser unha ferramenta á que o bipartito non está a sacar rendimento pois, outro ano máis, nada se fixo en materia de vivenda pública.
