Un pleno máis, quedou demostrado que este goberno vive de anuncios que non se materializan e se volveu a poñer en evidencia a falta de xestión do PSOE e do BNG en Lugo: improvisación, anuncios baleiros e a incapacidade de cumprir coa súa palabra.
Incendios: pedir aos demais o que non fan eles
O goberno local presentou propostas en materia de incendios que supoñen impoñer deberes a outras administracións cando recoñecen que eles mesmos non cumpren coas súas propias competencias. Admitiron abertamente que non o fan porque “suporía dispoñer de máis recursos” e non están dispostos a asignalos.
Votos en contra a TRES PROPOSICIÓNS do PP
O PSOE e o BNG rexeitaron as catro propostas que presentamos no pleno
- Servizo de Axuda no Fogar (SAF): poñéronse de perfil ante os dereitos das traballadoras e a necesidade de mellorar a calidade dun servizo que recoñeceron é competencia municipal.
- Seguridade cidadá: votaron en contra de traballar para que Lugo sexa unha cidade máis segura. Rexeitaron a creación dunha Unidade de Prevención e Reacción que permitiría incorporar unha vintena de axentes altamente cualificados. Tamén confirmamos que seguimos sen avances sobre a nova Comisaría da Policía Nacional. Pasou case un ano dende que, en outubro de 2024, o Concello cedeu os terreos de Abella ao Estado para construír a nova sede, pero non hai noticias do Ministerio do Interior. A seguridade dos lucenses non pode seguir esperando.
- Infraestruturas rurais: tamén votaron en contra de reparar a ponte entre Pedreda e Rubiás, malia que o actual alcalde, sendo concelleiro de Obras, asegurara en novembro de 2023 que a reparación era posible e que había cartos dispoñibles. Hoxe demostran que a palabra dada non vale nada.
Sen respostas, sen avances
O máis chamativo do pleno foi a resposta —ou mellor dito, a falta dela— ás preguntas que formulamos:
- Sen data para a entrega das escrituras da Croa.
- Sen data para recuperar a actividade da Escola Municipal de Música.
- Sen data nin información sobre o proxecto de rexeneración do barrio do Carme, anunciado en 2024.
- Sen avances para que Lugo sexa sede da Axencia Estatal de Saúde Pública: o único que fixeron foi pedir unha entrevista coa Ministra de Sanidade… que aínda non está sequera pechada.
