O Grupo Municipal do Partido Popular lamenta que o BNG continúe a instalarse na confrontación coa Xunta de Galicia no canto de asumir as súas responsabilidades como forza que goberna o Concello de Lugo.
Fronte ao discurso victimista do Bloque, os datos oficiais da derradeira Conta Xeral aprobada reflicten que diñeiro para o San Froilán hai, e moito: O San Froilán 2023 custou 1.189.442 euros aos lucenses, segundo os propios datos do Concello.
De verdade queren facer crer á veciñanza que o San Froilán non conta con recursos? O problema non é a falta de financiamento, senón a falta de capacidade para xestionalo correctamente.
Ao BNG séntalle mal que a Xunta esté a traballar por Lugo, porque desmonta o seu descurso victimista. Por iso, en troques de agradecer o compromiso ou de prantexar unha colaboración institucional leal, prefiren seguir buscando excusas para confrontar cun Goberno autonómico que está a cumprir.
Non solicitaron axuda á Xunta para o San Froilán, pero si usan á Xunta como coartada para tapar a súa incapacidade de xestión e seguir alimentando unha polarización artificial.
Se o San Froilán non é mellor, non é porque falten cartos, é porque sobra improvisación e falla un proxecto serio para Lugo. Andar a queixarse da suposta falta de colaboración da Xunta (á que non lle comunicaron xamáis a necesidade de dita colaboración) non é máis ca fume para agochar a súa falta de xestión, o seu esgotado proxecto e as súas componendas (que logo teñen que amañar aprobando facturas con reparos de intervención).
Desde o Partido Popular de Lugo reiteramos que o noso compromiso é con Lugo e coa súa veciñanza, e seguiremos a esixir unha xestión transparente, eficiente e centrada no que realmente importa: ofrecer unhas festas á altura dunha cidade como Lugo.
Lugo merece máis: Lugo precisa un cambio.
