Javier Vázquez explica que o PP acudiu á primeira convocatoria da
Comisión coa esperanza de que rectificasen a forma de traballar das
edicións anteriores. “Pero constatamos que todo segue igual: o
goberno local continúa anunciando nos medios o programa e os
eventos das patronais antes de abordalos na comisión, ninguneando
por completo este órgano”.
O concelleiro popular lembra que, cun 1 millón de euros en xogo, as
patronais deberían ser plurais e abertas ao consenso, non o resultado
do rodillo do BNG coa complicidade silenciosa do PSOE e iso, engade
que: “formar parte desta farsa sería lexitimar unha maneira de facer
política que exclúe e impón. E con iso, o PP non vai colaborar”
