• Con 121 millóns de orzamento, Lugo debería ser referente en atención social da provincia, pero dedica menos do 5% do presuposto ao SAF, mentres concellos máis pequenos e con moita menos poboación invisten porcentajes por riba do 35%”
• Elena Candia explica que, segundo a Lei de Servizos Sociais de 2008, aprobada polo bipartido, a xestión do SAF é unha responsabilidade municipal, e que en Lugo presta o servizo a empresa Aralia (a mesma do caso tráxico do Porriño) cun custo de 5,3 millóns de euros ao ano sen IVE
• O contrato coa concesionaria asinouse en xullo de 2024 por dous anos, e remata en 2026. O PP anuncia que levará a pleno unha iniciativa para avanzar na municipalización do SAF, e comprométese a que, se o actual goberno non dá ese paso, o fará o Partido Popular cando goberne
Xoves 20 de agosto de 2025.- O Concello de Lugo debe ser exemplar. Cun orzamento de máis de 121 millóns de euros, ten a obriga de facer unha aposta decidida polas persoas, especialmente cando se trata dun servizo que é de competencia municipal.
Dentro das súas responsabilidades se poderían impulsar varias medidas para garantir a protección de usuarios e traballadores. A voceira popular detallaba as medidas que se solicitan amparadas no marco legal existente reclamando:
• Aprobación de protocolos de prevención e protección para garantir a seguridade tanto das traballadoras como das persoas usuarias.
• Avanzar cara a un convenio propio, que mellore as condicións laborais das súas profesionais. “Nesta proposta damos este paso logo de que fixéramos o mesmo coas traballadoras da limpeza dos edificios municipais para as cales acadamos un acordo no pleno de marzo de 2024 para que tiveran un convenio propio (pasou un ano e medio e o goberno local ainda están cos informes para facelo efectivo).
Situación precaria traballadoras SAF
A popular explicou que o Partido Popular dá este paso, por varios motivos: porque vai rematar o contrato para o vindeiro ano e hai que decidir se se mantén privatizado ou non o servizo; pola triste coincidencia do sucedido no Porriño, pero sobre todo porque as traballadoras do SAF en Lugo veñen denunciando reiteradamente situacións de desprotección.
Entre outras cuestións, desvelou que existe unha instrución interna pola que, se ao chegar ao domicilio e o usuario non está, deben agardar 15 minutos. Ese tempo no que permanecen disponibles, pero que por causas alleas non prestaron o servizo, non se lles retribúe e, ademais, queda rexistrado como débeda coa empresa. Só se lles aboan os desprazamentos.
“Chegaron tamén ao Grupo Popular testemuños con nomes e apelidos de traballadoras despedidas logo de atravesar baixas médicas, unha práctica que revela a precariedade coa que se xestiona un servizo esencial”.
Para Elena Candia “Lugo debe ser o faro da provincia na defensa das persoas que coidan das nosas familias. É inaceptable que PSOE e BNG, que se presentan como defensores dos dereitos laborais, manteñan esta situación no SAF. Dime do que presumes e direiche do que careces”, subliñou.
Marco legal ampara as peticións do PP
O marco legal no que basean as peticións para impulsar medidas para mellorar a prestación do SAF está recollido na Lei de Servizos Sociais de Galicia de 2008, aprobada polo bipartito, establece no seu artigo 11, apartado f, como competencia municipal directa “a xestión do servizo de axuda no fogar, así como a participación na xestión das prestacións destinadas a garantir a autonomía persoal e a atención á dependencia, nos termos establecidos na normativa que resulte de aplicación”.
Tamén no artigo 40 do Real Decreto do 16 de Marzo de 2012 que desarrolla a legislación do ano 2008 se indica que se cofinanciará entre todas as administracións este servizo e, por tanto, é unha obriga da administración local.
