Mar Carballas asegura que “protexer o medio ambiente non é poñer etiquetas; é traballar con responsabilidade”
O Grupo Municipal Popular leva varias
queixas veciñais recollidas nas últimas semanas sobre o estado de
abandono de espazos verdes como a Carballeira de Fingoi e a Área
Recreativa do Castiñeiro.
Estas iniciativas forman parte do traballo de
escoita activa que desenvolvemos diariamente, co obxectivo de ser
“parte da solución e correa de transmisión entre os veciños e os
órganos municipais competentes”.
Na Carballeira de Fingoi, un dos principais espazos de lecer ao aire libre
da cidade, os elementos de ximnasia presentan un estado de abandono
evidente: están sucios, sen mantemento e, en moitos casos,
inutilizables. Tamén a varanda do sendeiro paralelo precisa reparacións
urxentes.
A situación repítese no Parque do Castiñeiro, onde bancos e mesas do
merendeiro están cheos de verdín, deteriorados e sen condicións para o
uso cidadán. “Lugo merece espazos coidados e seguros”, explica a edil
do PP.
E mentres non se coidan os espazos naturais, seguimos sen saber por
que se talaron árbores no parque de Rosalía. Pedimos explicacións ao
goberno local o 18 de marzo e seguimos esperando resposta.”
