Recentemente o Concello de Lugo anunciou a apertura do prazo de inscrición nos cursos de natación para o vindeiro trimestre. A novidade é que se obriga ás familias a realizar o pago trimestral completo por adiantado.
Desde o Partido Popular consideramos que esta medida pode supoñer unha carga adicional, especialmente no mes de setembro, cando os fogares afrontan os gastos da volta ao colexio.
Por iso presentamos un rogo para que se habiliten fórmulas de pago máis flexibles, xa sexa mensual ou fraccionado. O noso obxectivo é que ningunha familia quede excluída e que todas as persoas poidan acceder en igualdade de condicións á práctica deportiva municipal.
