O Grupo Popular manifesta o seu desacordo con que o goberno local
aprobe as bases en pleno mes de agosto, cando xa deberían estar
resoltas e pagadas, xerando unha situación de incerteza nas
entidades.
Coa idea de ser parte da solución, esta proposta busca aliviar a tensión
financeira que padecen moitas asociacións, que xa teñen proxectos
realizados ou compromisos económicos pechados.
Os populares lembran como no debate dos orzamentos de 2025,
presentamos unha emenda para permitir que se realicen pagos
anticipados centrada nas entidades sociais, e que foi rexeitada por
PSOE e BNG.
O Grupo Municipal Popular anunciou que vai presentar alegacións ás bases aprobadas pola Xunta de Goberno do
Concello de Lugo o pasado 13 de agosto, relativas ás subvencións para
asociacións e entidades sen ánimo de lucro destinadas á dinamización
económica e relacións institucionais para o ano 2025.
Tal e como están redactadas, as bases municipais recollen no artigo 13 que
“non se realizarán pagos a conta nin anticipados”. Isto obriga ás entidades a
adiantar con fondos propios todos os gastos dos proxectos ata que se
resolva e se faga efectivo o pago da subvención.
Os populares advirten que esta situación pode resultar inasumible para
moitas asociacións, e lembrou que xa nos anteriores debates de
orzamentos o PP informara desta situación e solicitara que se incorporaran
anticipos, sen éxito.
Os populares poñen como exemplo de que si se pode facer. A propia
Deputación de Lugo, nas súas Bases Xerais de Subvencións, contempla
esta posibilidade: no artigo 21 establécese que, en axudas de máis de 3.000
euros, as entidades poden solicitar anticipos.
“O problema non é legal nin técnico, senón de vontade política. Non se pode
pedir ás asociacións que fagan un esforzo imposible cando existen
ferramentas para facilitarlles o traballo”, subliñan os populares.
Por este motivo, o PP reclama que o Concello rectifique e introduza a
posibilidade de anticipos nestas subvencións, garantindo un apoio real e
eficaz ás entidades que enriquecen a vida social, cultural e económica de
Lugo.
