O Grupo Popular presentou esta mañá en rolda de prensa máis de 130 propostas aos orzamentos municipais de 2026, que cualifica de “realistas e centradas nas demandas da veciñanza, co obxectivo de mellorar a calidade de vida nos barrios e parroquias de Lugo”.
A voceira do Grupo Popular, Elena Candia lembrou que estas achegas chegan nun contexto no que o plan de investimentos do Concello de Lugo dos últimos tres anos apenas se executou, e defendeu que o PP presenta un modelo alternativo para activar Lugo.
A voceira popular, Elena Candia, tamán explicou que moitas das achegas que se presentan precisan pequenos investimentos, pero tamén inclúen proxectos estratéxicos e novidosos, como o Plan Zero18, dirixido á poboación infanto-xuvenil, tan esquecida polo goberno local na súa acción de goberno; ou un reforzo no orzamento para intervencións que melloren a mobilidade e a accesibilidade que contemplaría, entre outras intervencións, a unión do barrio da Estación co centro; e unha rede de aparcamentos en distintos barrios en altura.
Os populares tamén solicitan que se dé cumprimento ao acordo plenario de xullo do ano 2025 sobre a supresión da plusvalía e bonificación do IBI nas áreas de expansión, que pagan como solo urbano sen poder construír neles.
A voceira popular tamén explicou a necesidade de que haxa un reforzo no persoal ,amosando unha imaxe das habituais colas que hai no rexistro como exemplo de saturación, lembrando como no ano 2024 a diferenza entre o presupostado e o que aparece na liquidación do capítulo de persoal é de 4.222,208,58 €.
Por último a popular concluía: “non se trata de presentar unha lista de promesas, senón de poñer enriba da mesa achegas realistas, posibles e necesarias para que Lugo avance. Queremos feitos, non máis anuncios”,.
BLOQUE 1: LUGO PARA AS PERSOAS
1.1. CONCILIACIÓN E BENESTAR
A poboación infanto-xuvenil é a gran esquecida por este Concello. O noso compromiso é poñela no centro das políticas municipais, ofrecendo espazos seguros, oportunidades e conciliación real para as familias, por iso, solicitamos partidas para facer un Lugo que coida, educa e acompaña
Ø Posta en marcha do Programa Zero-18: que ningún menor quede sen protección e ninguna familia sin orientación. A idea deste programa é desenvolver accións dirixidas á conciliación e ao benestar da infancia e adolescencia.
- Red 818 “Previr, detectar e acompañar” casos de acoso escolar, ciberacoso e exclusión social.
- Creación de Puntos 818 en centros escolares: espazos seguros de escoita, mediación e orientación.
- Intervención coordinada con orientadores, equipos directivos, familias e profesionais da saúde mental.
- Formación en convivencia, empatía e xestión emocional para docentes, alumnado e familias.
- Campañas de sensibilización sobre respecto, diversidade e uso responsable das redes sociais.
- Plan Integral de Protección da infancia e da adolescia
- Plan local de saúde mental, con especial atención á prevención do acoso e do suicidio
- Servizo SAF “Aloumiñar”, para o coidado de menores no domicilio e apoio á conciliación familiar
- No polígono de As Gándaras creación de dotacións para o coidado dos fillos e fillas dos traballadores
- Cuberta para os parques infantís de Fonte dos Ranchos e Frigsa, garantindo o seu uso durante todo o ano.
- Novo parque infantil na Praza de Alacante
- Renovación e posta a punto de parques na rúa Orquídea, Marcos Cela, Piringalla (rúa das Fontes–Angelo Colocci), Cantiño, A Croa, Casas Sindicais e Sagrado Corazón
- Plan de mantemento e mellora dos colexios públicos.
- Partida para asinar o convenio coa FEGAMP para apertura das instalacións deportivas dos colexios fóra do horario escolar ás tardes e fins de semana
1.2. VALOR SÉNIOR
- Centro interxeracional no Castiñeiro, como punto de encontro e aprendizaxe compartida.
- Oficina do Maior, con programas de acompañamento e prevención da soidade non desexada.
- Cambiadores inclusivos, accesibles e adaptados para persoas con dependencia.
- Investimentos en linguaxe sinxela nas comunicacións municipais, para facilitar a comprensión da información pública.
- Partida para dotar de medios aos Centros Sociais para o seu correcto funcionamento
BLOQUE 2: LUGO MÁIS SEGURO
2.1. TRÁFICO E MOBILIDADE
- Plan de accesibilidade entre o barrio da Estación (intermodal) e o centro (ascensor e escaleiras mecánicas que comuniquen A Estación de tren co centro)
- Aparcadoiro en altura en rúa Castelao
- Aparcadoiro disuasorio en O Carme, cumprindo o convenio asinado
- Aparcadoiro en altura en Fontiñas
- Aparcadoiro en altura na Milagrosa
- Aparcadoiro soterrado en Augas Férreas
- Apertura da rúa Vilaverde, para mellorar a conexión e fluidez do tráfico
- Paso para comunicar, de forma segura, o barrio de As Gándaras co polígono industrial
- Plan de tráfico para o barrio de Galegos
- Na entrada a Lugo do Camiño primitivo paso de peóns intelixente na subida da Cheda confluencia con San Eufrasio
- Pasos elevados en Serrra Gañidoira
- Taxi a demanda para conectar as parroquias co centro urbano e mellorar a vida das familias do rural.
- Plataforma loxística de carga e descarga para facilitar repartos en casco histórico
2.2. SEGURIDADE
- Instalación de cámaras de videovixilancia en zonas sensibles como a Milagrosa.
- Instalación de cámaras de videovixilancia en monumentos e puntos emblemáticos.
- Apertura dunha delegación da Policía Local, que achegue presenza e resposta inmediata aos barrios do norte.
- Creación dunha oficina de asesoramento fronte ás ocupacións ilegais e dunha oficina de mediación veciñal.
- Mellora de iluminación en diferentes barrios
BLOQUE 3: LUGO MOTOR DA PROVINCIA
3.1 CIDADE CREATIVA
Ø Partida para aportar a porcentaxe que se comprometeu para actuar na envolvente do Cuartel de San Fernando
Ø Reforzo da marca Lugo como destino turístico, formativo e cultural.
Ø Plan especial de promoción dos tres Patrimonios da Humanidade con foco na Muralla (25 aniversario).
Ø Plan de mantemento dos Museos e Salas Municipais
Ø Programación estable no Auditorio Fuxan os Ventos e elaboración de ordenanza de uso así como e impulso á Escola de Música e á Banda Municipal.
Ø Programación cultural estable na Biblioteca Paco Martín (A Piringalla), como espazo de encontro e dinamización do barrio
3.2 UN RURAL MODERNO
Infraestruturas básicas e territorio ordenado
- Plan integral de saneamento e abastecemento en todas as parroquias. (Esperante)
- Servizo municipal de vaciado de fosas sépticas, para garantir hixiene e igualdade de servizos.
- Plan de ordenación da terra mediante permutas, para favorecer o aproveitamento agrario e forestal.
- Plan Fiscal Rural, con medidas para paliar a suba do IBI e incentivar as actividades económicas que se asentan no rural.
Mellor mobilidade
- Taxi a demanda para conectar as parroquias co centro urbano e mellorar a vida das familias do rural.
- Plan anual de asfaltado para manter en bo estado os camiños e accesos
- Plan anual de desbroces, en pistas de terra.
- Reparación da ponte entre Pedreda e Rubiás, unha conexión clave para a veciñaza desta parroquia deste servizo
Máis presenza municipal e vida social
- Puntos itinerantes de información, para achegar a administración local ás parroquias.
- Programas de dinamización e ocio nos centros sociais de San Xoán do Campo, Calde, Coeses, Saa, Santa Comba, Rubiás, Bóveda… e ampliar este servizo a outras parroquias.
3.3 INFRAESTRUTURAS
- Impulsar un plan de actuacións para evitar inundacións nos puntos negros da rede de drenaxe do municipio
Ø Infraestruturas que melloran o día a día
- Convenio co Ministerio para a humanización da travesía de Nadela e o seu desdobramento
- Beirarrúa en Virxe da Soidade (As Gándaras)
- Rematar a beirarrúa de Marqués de Ombreiro
- Rematar a Beirarrúa en Paulo Fabio Máximo (Garabolos).
- Saneamento da rúa A Milagrosa, unha demanda histórica do barrio.
- Plan integral As Samasas
- Humanización e paso peonil que conecte o barrio de A Ponte ata o cemiterio municipal
- Asfaltado ramal rúa Calzada de Ponte (comunica A Calzada coa N-VI)
- Arranxo da rúa que une a Ponte coa Louzaneta que coincide cun tramo do Camiño Primitivo
- Canalización da fonte de Casás e habilitar acceso seguro para vehículos de emerxencias ao barrio
- Reparación integral da vía Fermín Rivera: mellora de servizos de abastecemento e saneamento
- Manter o compromiso de mellora do acceso Fervedoira–Adolfo Suárez
- Drenaxe camiños interiores da Praza Maior.
- Arranxo das beirarrúas na contorna do parque infantil da Praza Vermella.
- Impulsar acordos con propietarios para humanizar espazos como a zona de Valentino e aparcamento actual ubicado na confluencia da rúa Primavera, Carril dos das Flores, das Hortas
- Rotonda para organizar o tráfico na confluencia entre Ramón Ferreiro, rúa Vilalba, Anxo López Pérez e Rodríguez Mourelo
Espazos que unen natureza e cidade
- Creación de dúas zonas de baño no río Miño, para aproveitar o potencial natural da cidade. (zona Robles e contorna da Uned)
- Plan de recuperación e de uso do Parque de Fontiñas, para devolverlle vida, seguridade e actividade a un espazo clave da zona sur.
- Mellora da Carballeira de Fingoi
- Mellorar o mantemento do Parque do Miño
- Impulso do BIC do Parque de Rosalía de Castro e e plan de mantemento e limpeza deste espazo
- Medidas para eliminar os problemas de convivencia que xenera a práctica do botellón
Ø CEAO e Gándaras: motor económico que require atención
- Renovación de tubaxes no Polígono do Ceao.
- Instalación de cámaras de videovixilancia en CEAO e As Gándaras.
- Aparcadoiro seguro nas Gándaras, que mellore a funcionalidade e seguridade do polígono.
- Habilitar no parque de enerxías alternativas do polígono un punto de recarga de vehículos eléctricos, unha zona de aparcadoiro e área de esparexemento
3.4. CONCELLO CERCANO
- Reforzo das plantillas de persoal para mellorar a atención cidadá
- Implantación do sistema de telelectura de contadores de auga, para un consumo máis eficiente e transparente.
→ Estudar unha liña de subvencións para a renovación de dispositivos por parte dos usuarios. - Investimentos edificios municipais con problemas de climatización (Uxio Novoneyra; Escola Infantil Gregorio Sanz)
- Modernización da Praza de Abastos
- Programa de apoio ao pequeno comercio afectado
- Creación dunha oficina municipal de información, orientación e mediación para poboación migrante
- Actualización das axudas sociais e deportivas para adaptalas ás novas realidades.
- Coficinanciamento obras de mellora das instalacións da Protectora de Animais
- Incrementar partida Michos e Protectora de Animais para gastos mantemento
- Cumprimento do acordo plenario de xullo do ano 2025 Supresión da plusvalía e bonificación do IBI nas áreas afectadas por cambios de solo.
- Creación do Consorcio de Dinamización do Casco Histórico, con sede no Vicerreitorado.
- Gratuidade do servizo de transporte urbano para menores de 21, maiores 65, pensionistas e presoas con escasos recursos
3.5. URBANISMO
- Plan piloto de rehabilitación para os barrios Feijoo e A Milagrosa, co obxectivo de recuperar vivendas, dinamizar o comercio e mellorar o entorno urbano.
- Axudas á rehabilitación en O Carme, Recatelo
- Revitalización integral do barrio de A Ponte, con medidas que inclúen con axudas á rehabilitación de vivendas. (Evislusa)
- Actualización do PXOM, PEPRI e PEPRIM
- Impulsar a tramitación de desenvolvementos urbanísticos bloqueados (casco histórico)
- Plan de Excavacións arqueolóxicas
- Inventariar os camiños dos núcleos rurais
- Plan de supresión de tapóns urbanísticos
3.6. UNIVERSIDADE
- Impulso ao Plan “Lugo Cidade Universitaria”, con:
- Vivenda asequible para estudantes e mozos, a través de Evislusa.
- Bolsas de estudo e programación cultural estable
- Contratación de asistencias técnicas locais para potenciar o talento local
- Creación Cátedra xestión cultural
3.7. DEPORTES
- Novo Pabillón Polideportivo
- Recuperar o histórico espazo deportivo e cultural da OJE na rúa Deputación
- Cubrir o campo de petanca do Parque de Frigsa.
- Mellora dos parques periurbanos e fluviais, favorecendo o uso social e deportivo destes espazos
- Mellora integral do Complexo Deportivo das Pedreiras.
- Cambio tartán pistas das Pedreiras
- Rehabilitación e mantemento do módulo cuberto de atletismo das Pedreiras
- Cobertura pistas de tenis de O Palomar e Frigsa
- Acondicionamento Campos de Sanfiz
- Acondicionamento do Campo de Fútbol de Nadela
- Mantemento e cambio de iluminación dos campos de futbol e instalacións deportivas
- Plan de mellora para o Pabillón Municipal.
- Arranxo urxente da cuberta do pavillón de Frigsa, que dificulta a actividade diaria dos clubes.
- Plan de mantemento de todas as instalacións deportivas municipais.
- Mellora de firme do aparcamento do Campo de As Gándaras de maneira axeitada.
