• A modernización do ciclo da auga non é unha prioridade para PSOE e BNG, só saben subir o recibo un 25% mentres Lugo segue sen avances no control dixital que melloraría a detección inmediata de fugas
Lugo, 30 de maio de 2025. O Grupo Municipal do Partido Popular considera que hai unha deixadez de funcións por parte do goberno local co control do cambio/verificación dos contadores de consumo de auga doméstica que deben, por normativa (Orden ICT/155/2020 que regula o control metereolóxico do Estado de instrumentos de medida), actualizarse antes do 24 de outubro deste ano.
A concelleira popular explica que no punto 4.5 do anexo 3 da orde ministerial se indica que o consumidor pode decidir que sexa o órgano xestor (o concello) quen se encargue das revisión e trámites relacionados con cambio/verificación dos equipos con máis de 12 anos. Eso significa que o concello de Lugo debería liderar o proceso de cambio/verificación dos contadores e non deixar en mans dos usuarios a decisión de verificar ou poñer o dispositivo novo dixital ou análóxico.
“Resulta vergoñento que en pleno século XXI e tendo a oportunidad de modernizar o parque de contadores sigamos cos analóxicos e co persoal municipal indo a lelos casa por casa”. A popular mesmo presentou a comunicación do servizo de augas que chegou a algúns fogares informando da obriga de instalar/verificar os contadores e no caso de que non se atenda ao requerimentono se advirte de que se procederá a incrementar a facturación en base a un artigo dunha ordenanza municipal que se aplica únicamente aos contadores parados ou avariados.
Silvia Colmenero lamenta que na última sesión plenaria, na que preguntamos se o concello estaba preparado para a lectura dixital de contadores, “a resposta foi nada clarificadora porque remitiron a que estaban a espera de recibir fondos europeos. A popular lembra que xa vai dúas veces nas que o concello de Lugo se presentou e non acadou esta axuda por presentar deficientemente a documentación e non acadar nin a puntuación mínima.
Cando rectifican, acertan”: o precedente de 2021
A concelleira popular aproveitou para lembrar que xa en 2021 o PP lanzou unha campaña informativa para axudar a centos de veciños que recibiron facturas de auga con importes excesivos e baseadas en estimacións inxustas. “Foi o noso grupo quen asesorou aos afectados para presentar reclamacións e forzou ao Concello a rectificar, refacturando os consumos. Cando rectifican, acertan. Pero, tristemente, só o fan cando hai presión política e veciñal”, explicou.
Naquel momento porpuxemos que se repartise o consumo anual entre os catro trimestres para respectar o espírito da norma e o principio de igualdade e proporcionalidade. O que están a facer é inxusto e podería considerarse un enriquecemento indebido da administración a costa dos veciños”.
Por último a popular denunciou que, mentres se soben os impostos, o servizo da auga segue sendo un dos grandes exemplos da mala xestión de PSOE e BNG:
• Os principais contratos do ciclo da auga están caducados desde hai 14 anos.
• A brigada municipal está desmantelada.
• As fugas tardan días en repararse.
• A zona rural segue sen abastecemento nin saneamento.
• O sistema de reutilización de auga leva 14 anos inutilizado.
