– “Despois de tantos anos esperando o proxecto de A Fervedoira non pode reducirse a un investimento de 200.000 euros para reposición do firme, Lugo merece un acceso seguro e moderno.
– O proxecto anunciado polo goberno local quédase curto xa que se limita ao tramo entre a rotonda de Montero Ríos ata apenas 300 metros máis alá dos edificios de Adolfo Suárez
– Antonio Ameijide: Senón completan a intervención ata a conexión coa Rolda Norte, como propoñemos, seguirán sen resolverse os problemas históricos de carrís estreitos, pavimento deteriorado, falta de beirarrúas e iluminación
– Elena Candia: “Traballamos cunha visión de cidade: accesos dignos, seguros e ben planificados. Xa o fixemos con propostas para Nadela (reclamando a iluminación da rotonda e un proxecto de humanización da travesía) e a estrada vella de Santiago (defendemos a creación de beirarrúas e actuacións integrais que melloren a seguridade viaria de peóns e condutores), e agora damos un paso máis pola Fervedoira”.
O Partido Popular propón completar de forma integral a mellora do acceso pola Fervedoira, estendendo a actuación ata a conexión coa Rolda Norte. O obxectivo é claro: garantir unha entrada segura, cómoda e ben iluminada, con espazo para peóns e cunha imaxe coidada para quen chega a Lugo.
O que está anunciado
O goberno local prevé actuar nun tramo limitado:
– Dende a rotonda da rúa Montero Ríos ata o remate da zona urbana, 300 metros máis alá dos edificios de Adolfo Suárez, centrando a intervención na renovación parcial de servizos (saneamento) e unha nova capa de rodadura.
– Tamén se contempla executar a renovación da calzada e ampliación da mesma no tramo que vai dende o remate da zona urbana ata a rotonda prevista no PXOM.
Para os populares o proxecto do bipartito é insuficiente e non resolve no futuro os problemas dun dos principais accesos á cidade.
A proposta do PP: completar e planificar
O Grupo Popular defende ampliar a intervención aproximadamente 1,5 quilómetros máis, ata enlazar coa Rolda Norte. Só así se evitarán embudos e tapóns e se dará resposta aos problemas históricos desta vía:
- Carrís estreitos.
- Pavimento deteriorado.
- Falta de beirarrúas continuas.
- Iluminación insuficiente.
- Ausencia de espazos seguros para colectores e paradas de autobús.
Política Útil
Esta proposta se levará a pleno: “trátase dunha iniciativa que encaixa co modelo de mobilidade que defendemos baseado na planificación, seguridade viaria e mellora dos accesos a Lugo”.
Con anterioridade xa propuxemos actuacións en Nadela, reclamando mellor iluminación e humanización da travesía, e na estrada vella de Santiago, defendendo beirarrúas e intervencións integrais. Agora damos un paso máis pola Fervedoira.
