O tenente de alcalde, Rubén Arroxo, perdeu unha nova
oportunidade para responder con seriedade ás preguntas que se fai a
veciñanza de Lugo sobre o estado real dos servizos municipais e a xestión
do BNG ao fronte das súas áreas de goberno.
Desde a oposición lembramos algunhas das cuestións urxentes que
continúan sen resposta:
Vai abrir a Escola Municipal de Música en setembro, ou estamos
ante outro servizo público que o BNG deixa caer, como fixeron coa
Banda Municipal?
Cando se aprobará o convenio de uso do aparcadoiro dos
institutos, para que poida empregarse fóra do horario lectivo?
Para cando unha ordenanza clara e transparente sobre o uso do
Fuxan os Ventos, que impida a utilización discrecional deste espazo
por parte dos nacionalistas?
Que pensa facer o BNG coas salas da Rede Museística,
actualmente abandonadas e con serios problemas de mantemento?
Por que renunciaron a unha achega de 9.000 € para sumarse á rede
de Mercados de Excelencia e modernizar a web da Praza de Abastos?
Cando se van atender as queixas recorrentes das persoas
usuarias do transporte urbano, que denuncian atrasos constantes,
liñas mal organizadas e paradas sen sinalizar?
