Diante do silencio cómplice de socialistas e nacionalistas, a voceira do grupo municipal do PP, Elena Candia, amosouse contundente e certeira: “o que ocorreu é inadmisible nunha democracia, fomenta o odio, a división e rompe coa convivencia marcando un precedente que nunca debería repetirse”.
Os populares tamén solicitaron que o concello retire o financiamento a calquera asociación o Federación veciñal que prohíba a participación en actividades por motivos de ideolxía política.
As concelleiras Mar Carballas e Flor Rubinos presentarán ante o Valedor do Pobo unha petición de amparo, reclamando protección dos seus dereitos políticos e institucionais logo de que se lles impedise a asistencia ao pregón da Feira de productos do campo e artesanía da Milagrosa.
A voceira dos populares de Lugo deu a coñecer esta decisión nunha comparecencia que se celebrou esta mañá na que lamentou a complicidade do PSOE neste incidente: “a inacción de socialistas e nacionalistas lévanos a pedir o amparo da Valedora: o que ocorreu é inadmisible nunha democracia, fomenta o odio, a división e rompe coa convivencia e marca un precedente que nunca debería terse producido”.
Lexislación.
A denegación dun acceso a un local por pertencer a un partido político vulnera o dereito fundamental de participación en asuntos públicos, tal e como se recolle no artigo 23 da Constitución Española, así como noutras normativas como o decreto 226/2022 que regula aspectos de organización y desarrollo de espectáculos públicos (artigo 13-14-17).
Asemesmo, o delito de odio está tipificado no artigo 510 no Código Penal. Este artigo sanciona diversas consultas que incitan ao odio, a discriminación ou violencia contra persoas ou grupos entre outros motivos por ideoloxía.
Silencio cómplice
Os populares lamentaron que socialistas e nacionalistas, lonxe de condenar esta práctica excluínte, a fomentan co seu silencio. Pasaron tres días dende este veto inxustificable: “nin o PSOE, nin o alcalde, Miguel Fernández; nin o BNG fixeron nin un só mensaxe de apoio as afectadas”.
“O alcalde, a pesar de presumir de dialogante, amosou o seu verdadeiro talante porque o silencio é tamén unha forma de complicidade”.
“O que ocorreu onte provoca indignación e repulsa: hoxe foron dúas concelleiras, pero mañá podería ser calquera”, engadiu a voceira. “Se eu estivese no lugar de calquera dos cargos socialistas que alí asistiron, intentaría mediar”.
O PP reitera o seu rexeitamento a calquera xesto que ameace a convivencia pacífica e a pluralidade democrática en Lugo, e confía en que a intervención da Valedora do Pobo estableza un marco de garantías para impedir que se repitan esta situación.
