• Critican que esta dotación esté secuestrada polo BNG, coa complicidade do PSOE, e relaman unha ordenanza propia que regule o seu uso
O Partido Popular denuncia que o novo Auditorio Fuxan os Ventos, inaugurado en decembro de 2024 tras máis de 20 millóns de euros de investimento, leva todo o verán pechado. “A última actuación foi en maio e a próxima, se non hai cambios, non será ata o 20 de setembro”, sinala o concelleiro Javier Vázquez.
Desde o PP reclaman a aprobación urxente dunha ordenanza específica de uso que garanta criterios claros e públicos para a programación e a cesión do espazo. “Este equipamento cultural, que debería ser un motor de actividade para a cidade, converteuse nun símbolo do sectarismo e do control político. Está literalmente secuestrado para o uso de quen interesa ao responsable de Cultura, e non nos referimos precisamente ao concelleiro”, engaden.
Os populares aseguran que administracións e colectivos culturais solicitaron utilizar o auditorio sen obter resposta do goberno local, o que evidenciaría “a falta de vontade de abrir este equipamento á cidadanía”.
“Lugo merece un auditorio aberto, activo e accesible. Lugo merece cultura con maiúsculas, non propaganda encuberta nin instalacións pechadas por interese político”, conclúe Vázquez.
