Agustín Gallego lamenta que “a pobreza de contidos e o seu deficiente
mantemento dá unha mala imaxe aos turistas” sinalando que “é un
espazo que está desaproveitado e desanxelado”.
Solicitamos un informe técnico completo sobre o estado do MIHL; e o
expediente relativo á actividade de danza que se anunciou para o
pasado venres 16 de maio xa que despois de comprobar en persoa
non atopamos rastro desta actividade.
O Grupo Municipal do Partido Popular visitou
esta mañá o Museo Interactivo da Historia de Lugo (MIHL) para denunciar o
estado de abandono dun espazo que naceu como o gran proxecto cultural do
PSOE e que, hoxe, nin é museo, nin é interactivo.
O concelleiro Agustín Gallego lembrou como “o MIHL custou sete millóns de
euros e foi presentado como un referente vangardista para divulgar a historia
da cidade”:
“Trece anos despois da súa inauguración, o edificio carece de
contido definido, a zona da exposición permanente está pechada e baleira,
os elementos tecnolóxicos non funcionan e o espazo converteuse nun
multiusos sen identidade museística”.
O edil popular recriminou que os PSOE non fose quen de coidar a súa obra
insignia. Gallego lembrou como o exalcalde socialista Orozco, que impulsou
este proxecto, chegou a comparalo coa Casa das Ciencias da Coruña.
“A realidade é que esa comparación hoxe soa case a burla, mentres outras
cidades apostan por espazos vivos e divulgativos, Lugo ofrece un edificio
baleiro e sen proxecto.unha estratexia cultural para a cidade.
Lamentablemente a situación deste Museo é vox populi incluso en
plataformas dixitais como Google onde se comenta o grao de abandono do
museo: salas pechadas, contido escaso, elementos tecnolóxicos inoperativos…
Lugo non pode permitirse ofrecer esta imaxe a quen nos
visita.
Desde o Grupo Municipal Popular, Agustín Gallego propón unha revisión
integral dos contidos do MIHL, a reparación inmediata das deficiencias
técnicas e a recuperación do uso museístico da Caixa Negra, para que o
museo cumpra por fin o obxectivo para o que foi creado: ser un espazo vivo
e divulgativo da historia de Lugo.
Mala xestión en serie
O sucedido co festival We Tattoo Lugo é só o último exemplo dun
despropósito absoluto na xestión cultural do Concello por parte do BNG. Os
organizadores víronse obrigados a cancelar un evento internacional xa
anunciado, logo de descobrir as graves deficiencias do Museo nunha visita
para preparar o evento. Todo isto sucede sen recibir unha comunicación
oficial previa.
Non recibiron ningunha alternativa viable, e a resposta institucional foi
completamente insensible, chegando mesmo a negarlles o reembolso íntegro
que desembolsaron como garantía do alugueiro do Gustavo Freire que tiñan
contratado como espazo complementario.
A situación agrávase aínda máis cando comprobamos que o pasado venres
o Concello anunciaba uns obradoiros de danza contemporánea e tras
visitar o museo, tanto pola mañá como pola tarde, constatamos que non se
celebrou neste espazo a actividade. A pesar diso, ampliouse o horario do
persoal do MIHL mediante correo electrónico, o que implicará o pago de
horas extra por un evento inexistente.
