- Os populares lembran que hai un acordo do ano 2021 do Congreso dos deputados para crear esta Unidade de Prevención e Reacción na comisaría da Policía Nacional de Lugo. Foi o PP quen, o 12 de marzo de 2021, conseguiu que o PSOE votase a favor dunha Proposición non de Lei para reclamar a UPR para o noso municipio.
O Grupo Municipal do Partido Popular en Lugo considera fundamental que a comisaría da Policía Nacional da nosa cidade dispoña canto antes da Unidade de Prevención e Reacción (UPR). Trátase dun servizo especializado que achegaría arredor dunha vintena de axentes con formación específica, capaces de combinar a prevención da delincuencia co mantemento da orde pública e cunha resposta inmediata ante situacións de risco.
En palabras dos populares, “a mellor maneira de garantir a tranquilidade e a convivencia en Lugo é dotar ás nosas forzas de seguridade de máis medios e recursos. A UPR é unha oportunidade para mellorar a eficacia policial e reforzar a confianza da cidadanía”.
Neste sentido, o PP solicita ao Goberno local que traslade esta petición ao Goberno de España para que Lugo dispoña canto antes desta unidade.
Así mesmo, o PP subliña a importancia de avanzar no proxecto do novo edificio da Comisaría da Policía Nacional en Abella, xa que dende a cesión dos terreos ao Estado, en outubro do ano pasado, non houbo avances coñecidos. “Lugo necesita unhas instalacións modernas e adaptadas ás necesidades actuais. Non é só unha cuestión de infraestruturas, senón de garantir un servizo público á altura do que merece a cidade”, engadiron.
Os populares lembran que hai un acordo do ano 2021 do Congreso dos deputados para crear esta Unidade de Prevención e Reacción na comisaría da Policía Nacional de Lugo. Foi o PP quen, o 12 de marzo de 2021, conseguiu que o PSOE votase a favor dunha Proposición non de Lei para reclamar a UPR para o noso municipio.
O Partido Popular reafírmase no seu compromiso de impulsar propostas e solucións que garantan unha cidade máis segura, ordenada e con servizos de calidade para todos os lucenses.
