Ao goberno local non lle quedou máis remedio que actuar. O peche temporal do after da rúa Tui confirma que tiñamos razón e que a mobilización veciñal, xunto co traballo do Grupo Popular, deu resultado. Pero deixámolo claro desde o primeiro momento: non nos chega con este paso. Esiximos que se inicie o procedemento para a revogación da licenza e non imos parar ata que se adopte unha solución definitiva.
A movilización veciñal SI importa
Cada unha das 1.500 sinaturas recollidas na Milagrosa para reclamar máis seguridade no barrio contou. Cada comparecencia pública, cada denuncia e cada esixencia que fixemos serviu para que hoxe o goberno dera este paso.
Falamos dun problema reiterado que afecta á convivencia, ao descanso e á seguridade dun barrio. Un peche de 47 días non resolve de fondo unha situación que leva anos xerando preocupación. Para moitos veciños é difícil entender que, despois de todo o sucedido, a resposta quede aí. É case unha burla para quen leva anos soportando esta situación.
Reincidencia e reiteración: Se podería ter feito máis?
Estamos a falar dun patrón continuado de incumprimentos. Durante anos, este establecemento funcionou na práctica como un after, superando aforos, incumprindo condicións e xerando problemas de convivencia nun barrio que merece tranquilidade e seguridade.
Os feitos estaban documentados con data 29 de xuño de 2025. Había actas policiais, informes e intervencións suficientes. O PP esixiu actuación inmediata o 7 de xullo; volvemos comparecer o 1 de setembro; entregamos as sinaturas da veciñanza o 12 de setembro. E non foi ata o 28 de outubro cando se iniciou o expediente.
A útlima comparecencia pedindo unha actuación inmediata do PSOE e o BNG para garantir a seguridade e a convivencia na rúa Tui foi o pasado 1 de marzo
Precisamente nesa rolda de prensa advertimos de algo moi serio: a agrupación de distintas intervencións en só dous expedientes podería ter consecuencias xurídicas directas á hora de apreciar a reincidencia. A lei é clara: cando hai reiteración de infraccións graves, pode chegarse á clausura definitiva e á revogación da licenza.
A propia Lei de Espectáculos de Galicia é clara. No seu artigo 36 recóllese que por este tipo de infraccións podería impoñerse o peche temporal do local ata un ano e sancións económicas de ata 30.000 euros. E o artigo 37 establece que, á hora de aplicar a norma con maior ou menor intensidade, deben valorarse cuestións como a reincidencia, a intencionalidade e a transcendencia social dos feitos.
E aquí falamos precisamente diso: reincidencia, reiteración no tempo e unha evidente transcendencia social nun barrio enteiro que se mobilizou para defender o seu dereito ao descanso.
Non imos parar
O noso compromiso coa Milagrosa é firme. Esiximos que se analice con rigor esta situación e que se adopten todas as medidas necesarias ata garantir o peche definitivo se así o permite a lei.
Non é unha cuestión política. É unha obriga legal protexer a convivencia, a seguridade e o descanso dos veciños.
