O PP de Lugo advertiu o 30 de outubro de 2024 da aparición de fendas estruturais no muro do colexio
A reparación non se iniciou e o goberno local limita a súa resposta a promesas baleiras e vallas provisionais
Lugo, 6 de agosto de 2025 – O Grupo Municipal do Partido Popular de Lugo denuncia a absoluta irresponsabilidade do goberno local, que tras nove meses de aviso formal, mantén sen reparar o muro do CEIP Quiroga Ballesteros, afectado por graves fendas estruturais derivadas das obras de peonalización da contorna.
O pasado 30 de outubro de 2024, o PP rexistrou oficialmente unha solicitude de intervención urxente, acompañada de documentación gráfica, alertando do risco real para a seguridade dos escolares, familias e viandantes. Ese mesmo día, a portavoz do grupo, Elena Candia, interveu no pleno extraordinario dando conta da situación e reclamando medidas inmediatas. Naquel momento, o goberno local declarou literalmente: “No existen daños estructurales como tal, sino una agrieta en el muro del cierre perimetral que para nada es un daño estructural, que se solucionará y que no tiene ningún tipo de riesgo para el edificio”. Hoxe, a realidade demostra que
estabamos dicindo a verdade.
Desde entón, a realidade é alarmante:
● O muro segue apuntalado con elementos metálicos.
● Non hai obras nin reparación iniciada.
● A comunidade educativa teme con razón que o curso escolar arrinque sen
garantías de seguridade.
“O que debería ser un espazo seguro converteuse nun símbolo do abandono institucional”, concluía o concelleiro Javier Vázquez.
O Partido Popular esixe:
● Accións inmediatas,
● A publicación dun informe técnico oficial,
● E que o executivo local asuma responsabilidades políticas por esta situación
de risco innecesario.
“O goberno local tivo tempo, tivo advertencias, e tivo a obriga de actuar. Non fixo nada. Agora as consecuencias recaen nas familias e nos nenos.”
