O Grupo Municipal do Partido Popular reafirma a súa disposición ao diálogo e á cooperación institucional. Neste sentido, a voceira Elena Candia anunciou que trasladará ao novo alcalde, Miguel Fernández, na reunión solicitada formalmente o pasado 12 de marzo, un paquete de medidas que considera prioritarias.
Unha delas é a da mellora das actuáis instalacións da Protectora de Animais “unha demanda compartida por moitos veciños e mesmo polo propio Miguel Fernández que así o ratificou no discurso de toma de posesión”.
Candia anunciou que a Xunta de Galicia cofinanciará a reforma indicando que o compromiso se adquiriu nunha reunión que mantiveron entre a voceira municipal e a Conselleira de Medio Ambiente e Cambio Climático.
“O normal sería que as 3 administracións se implicasen neste proxecto de reforma das actuais instalacións” lembrando que na deputación se aprobou unha iniciativa do PP que contou cos votos dos deputados do BNG para ampliar a actual Protectora. A moción saiu adiante pese aos votos en contra do PSOE”.
Os populares lembran como o concello de Lugo no proxecto de orzamentos para este ano, trala presión da veciñanza, incluiron 100.000 € para melloras na Protectora actual e 400.000 € para a construción dunha nova Protectora nunha nova ubicación.
Desde o Partido Popular valoramos positivamente que haxa consenso sobre a necesidade de mellorar este servizo e consideramos que este é o momento idóneo para dar pasos firmes neste proxecto. “O noso obxectivo sempre foi traballar con lealdade institucional e esa seguirá sendo a nosa prioridade”, destacou Candia. Desde o PP de Lugo, tendemos a man ao novo alcalde para avanzar nesta e noutras cuestións pendentes, apostando polo diálogo e a cooperación para mellorar os servizos da cidade.
