O PP pedirá un pleno extraordinario para buscar solucións e rexenerar este barrio emblemático de Lugo
O Partido Popular de Lugo explica que, malia as promesas do goberno local, o barrio do Carme segue , cunha intervención mal executada e sen un proxecto serio que impulse a súa recuperación.
O concelleiro popular Ramón Cabarcos explicou que “o Concello limitouse a facer unha actuación superficial que non resolveu nada, dentro do seu proxecto de pinta e colorea”. “Puxeron solo impermeable que agrava as escorrentías, non completaron as instalacións e eliminaron prazas de aparcamento sen ofrecer alternativa algunha”. Nin se fixou poboación, nin se incentivou a rehabilitación, nin se dinamizou económica e socialmente esta zona”
Nese senso o concelliero popular lembrou como o goberno local bloquea a construción dun aparcadoiro de 40 prazas, a pesar de existir un convenio asinado en 2023 polo que a confraría cedía os terreos detrás da Igrexa en Poeta Noriega Varela.“Levan dous anos perdidos e cero avances”
Promesas incumpridas e contradicións urbanísticas
No Pleno de setembro de 2023, a raíz dunha proposición do Grupo Popular, o goberno local comprometeuse a modificar o PXOM do barrio unha vez estivese en vigor o 5% do planeamento.
Ese 5% entrou en vigor o 11 de novembro de 2023, e seguimos sen saber nada da prometida modificación.
No Pleno de novembro de 2024, o goberno local volveu anunciar un concurso de ideas para “avanzar na rexeneración” do Carme, co obxectivo de completala antes de 2027.
“Pasou un ano e ese concurso nunca chegou a convocarse. Foi outro anuncio baleiro, un máis”, subliñou Carbarcos.
Un plan irrealizable e contraditorio
O PP explica que o planeamento vixente contén contradicións que o fan inxecutable. Entre elas:
• A prolongación forzosa de rúas como Vicedo, Monte Picato, Cabo Estaca de Vares ou Valuro, que afecta a bens patrimoniais e etnográficos protexidos.
• O aproveitamento edificable previsto (1,49 m²/m²) non é viable pola protección do Camiño Primitivo.
• E, sobre todo, a prohibición de rehabilitar vivendas existentes no perímetro do plan especial, o que impide aos propietarios facer obras integrais e recuperar os inmobles para uso residencial.
“O propio planeamento bloquea a posibilidade de rehabilitar as casas do barrio. O resultado é un espazo degradado e abandonado pola inacción do goberno”.
