Os populares interpretan o voto en contra como un recoñecemento por parte de socialistas e nacionalistas de que “teñen moito que temer e moito máis que tapar e anuncian que repetirán esta iniciativa para o vindeiro pleno ordinario”
Na proposición de urxencia que PSOE e BNG tumbaron no pleno, que se celebrou esta mañá, os populares ademais de esixir de oficio a responsabilidade dos concelleiros socialistas que propiciaron a indemnización de 2,4M€, tamén solicitaban que se dese conta periodicamente a toda a corporación da evolución dos trámites.
Dende o PP “por ética política” afirman que a alcaldesa, así como outros políticos e funcionarios que participaron nesta concesión “non están lexitimizados para dirixir o procedemento co ánimo de evitar manipulacións ou que se teledirixa esta actuación xa que a alcaldesa e o seu séquito non poden autoxulgarse, nin autoinvestigarse”.
Os populares queren evitar que os lucenses paguemos esta hipoteca millonaria a conta dos despropósitos da fábrica da luz iniciados polo ex concelleiro socialista Liñares que “casualidades do azar está sendo xulgado estes días por cobrar subornos na adxudicación de obras e cuxa rescisión e indemnización provocou a neglixencia de Lara Méndez e o seu goberno”.
