CulturaProposición

O PP acada a unanimidade do pleno para que Lugo se adhira á Historia Social Electrónica Única da Xunta

By 26 Setembro, 2019Sin comentarios

O Grupo Municipal do Partido Popular no Concello de Lugo acadou a unanimidade do pleno para que o Concello de Lugo se adhira á Historia Social Electrónica Única coa que se axilizarán trámites e se acurtarán os tempos de resposta á cidadanía en xestións do ámbito social.

A Historia Social Única Electrónica (HSUE) púxose en marcha no ano 2016 nos concellos de Boqueixón, Brión, Tordoia e Viveiro. Tras unha fase de probas iniciouse a súa extensión a outros concellos co apoio da Federación Galega de Municipios e Provincias, a través dun convenio.

Máis de 250 Concellos empregan xa esta plataforma, que facilita a coordinación dos axentes que participan na prestación dos servizos sociais. O sistema de HSUE integra toda a información e documentación relevante relativa ao ámbito social xerado nos diferentes niveis de prestación e atención.

A extensión da Historia Social Única Electrónica, supón un fito no campo dos servizos sociais, similar á posta en marcha da Historia Clínica no campo sanitario ao integrar nun mesmo sistema todos os datos relativos á historia social do individuo, incluíndo a situación persoal, social e familiar; as súas demandas, prestacións, servizos e recursos, así como valoracións, intervencións seguimento e avaliación por parte do sistema de Servizos Sociais, ademais de información referente a profesionais e a institucións e organizacións que interveñen nas mesmas.

A HSUE configura un modelo de historia social única electrónica que garante, de maneira segura, a accesibilidade de toda a información social aos profesionais técnicos que desenvolven a súa actividade para o sistema de servizos sociais de Galicia, por iso é necesario compartir a información tanto dentro do ámbito do sistema galego de servizos sociais como doutros sistemas relacionados co benestar, como poden ser o sistema público de saúde, o sistema de educación ou emprego, e busca como obxectivo optimizar os recursos públicos prestados ás persoas usuarias que son comúns aos deferentes sistemas. Nos últimos meses dotouse á plataforma de novas prestacións como a firma dixital e a integración coa aplicación informática que empregan os traballadores sociais comunitarios e a posibilidade de realización de novos informes, como o proxecto de integración social. A adhesión do Concello de Lugo á Historia Social facilitará o traballo dos profesionais dos servizos sociais e contribuirán a acurtar os tempos de tramitación.

Por todo iso, o Grupo Municipal Popular que subscribe considera de interese municipal que o Pleno da Corporación Municipal acorde:

Que o Concello de Lugo formalice a súa adhesión á Historia Social única Electrónica, para facilitar o traballo dos profesionais dos servizos sociais e contribuir a acurtar os tempos na tramitación dos expedientes.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies