Malia os votos en contra dos concelleiros socialistas, hoxe, conseguimos co apoio do resto dos grupos da oposición e sacamos adiante unha proposición para que o vindeiro luns a alcaldesa convoque a Comisión do Garañón e, nela, decidir que pasos dar para derrubar as Torres do Garañón e organizar este espazo primando sempre os intereses dos veciños.
O Tribunal Superior de Xustiza de Galicia ditou unha sentenza na que anula en parte a Orden de 29 de abril da Consellería de Medio Ambiente, Territorio e Infraestruturas pola que se aprobou definitivamente de forma parcial o Plan Xeral de Ordenación Municipal de Lugo, no concernente á ordenación urbanística da unidade de actuación CS-5 (actualmente URPI-58) por ser contraria a dereito, invalidando o desenvolvemento urbanístico (PERI) e o convenio asinado co promotor no ano 2005.
Ante esta situación dende o Grupo Municipal do Partido Popular propoñemos que o Concello de Lugo deseñe o futuro urbanístico destes terreos e para iso é preciso actuar con dilixencia, e entendemos que se debe facer unha modificación puntual do PXOM con ordenación detallada. Polo que sería preciso tomar un acordo desta modificación e que esta leve aparellada a suspensión de licencias, en todo caso antes de que se presente por parte de calquera outro propietario un desenrolo alternativo, por iso a urxencia de acordar en pleno esta modificación e suspensión de licencias a maior brevidade posible.
Por todo elo o Grupo Municipal do Partido Popular considera de interese municipal que o Pleno da Corporación Municipal ACORDE:
Instar ao Goberno Municipal a que eleve a pleno de forma urxente o acordo de modificación puntual do PXOM con ordenación detallada na unidade de actuación URPI 58, antiga CS-5 (Garañón), e o seu entorno PERI 1 (antiga CS-9) así como a correspondente suspensión de licencias.
