Economía

O PP votará en contra duns orzamentos irreais e anuncia que explicará a cara oculta e as mentiras destas contas “onde sexa”

By 20 Decembro, 2017Sin comentarios

O voceiro dos populares Antonio Ameijide manifestou que o Grupo Popular é “o primeiro interesado en Lugo teña orzamentos” lembrando o apoio prestado, no pasado mes de agosto, ao Plan de Investimentos socialista ou o respaldo que lle deron no ano 2014 aos remanentes de tesourería

O voceiro do Grupo Popular Antonio Ameijide anunciou hoxe en rolda de prensa o sentido do voto dos populares ao proxecto de orzamentos para o 2018 matizando que “imos votar en contra porque son uns orzamentos de fantasía, unhas contas virtuais, pouco cribles e electoralistas que supoñen un novo engano para os lucenses”.

Antonio Ameijide afirma que é un decisión que adoptou o grupo popular adoptou “entre todos e por responsabilidade” xa que a alcaldesa falta á verdade presentando unhas contas infladas e electoralistas que non resolven os verdadeiros problemas de Lugo.

O voceiro dos populares puntualizou que “non temos ningún problema e nada que ocultar e explicaremos, onde sexa necesario, o sentido de voto do noso partido, con e sen atril”. “Hai unha cara oculta dentro das contas muncipais e podemos entrar ao detalle para demostrar que a verdad dos orzamentos é outra ben distinta á que nos pintan”. “O Partido Popular demostrou a súa responsabilidade e coherencia en numerosas ocasións respaldando ao goberno do PSOE de Lugo”, indicou Ameijide quen lembrou “que en agosto tiveron o noso respaldo para aprobar o plan de investimentos e grazas a eso estánse facendo as poucas obras que hai en Lugo”. Tamén no ano 2014 apoiaron os remanentes de tesorería desbloqueando numerosas obras e compras como a escaleira de bombeiros, equipos de comunicación …

O voceiro do PP concluiu asegurando que “nós, como forza maioritaria, somos os primeiros interesados en que salgan adiante os orzamentos para o vindeiro exerecicio pero non podemos aprobar algo que é fantasía”.

O popular volveu a recriminar a falta de humildade e a prepotencia da alcaldesa acusándoa de “irrespetuosa” por non facer nin unha soa chamada para intentar consensuar os orzamentos, nin responder ás 80 propostas que o PP solicitou incorporar ao documento contable.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies