O voceiro popular Antonio Ameijide xustifica que se deseñen accións, que abarquen todos os servizos, co obxeto de mellorar a calidade das prestacións xa que estamos falando “dun Concello con máis de 600 traballadores, polo tanto, estamos falando dunha das principais empresas que ten a cidade”
O Partido Popular afirma que urxe implantar no Concello de Lugo un Modelo de Xestión de calidade Total. O voceiro popular Antonio Ameijide explicou que o seu Grupo presenta, neste momento, esta iniciativa co obxecto de “poñer coto ao caos que vive a administración local e co ánimo de recuperar a reputación, credibilidade e imaxe do Concello de Lugo e que, unha vez superado o ecuador do mandato de Lara Méndez, é o momento de pasar á acción”. Ameijide suxire que se marque un prazo fixo para cada trámite e no caso de incumprimento que se resarza aos cidadáns polos danos ocasionados. Ese é un dos obxetivos da nova forma de xestión pública que queremos para Lugo “se un veciño ten que abonar un recargo porque paga fóra de prazo un recibo parece lóxico que o Concello debe dar exemplo e actuar da mesma forma cando a responsabilidade está nas súas mans” reflexionou.
“Non é unha proposta para quedar ben, é un método de traballo que busca a excelencia” explicando que “estamos falando dun Concello con máis de 600 traballadores, polo tanto, estamos falando dunha das principais empresas que ten a cidade e á que, lamentablemente pola incapacidade do goberno local, quédalle moito por mellorar en prestación de servizos” matizou o popular.
“O que queremos é establecer uns indicadores de calidade, medir o cumprimento dos obxetivos e a medida dos recursos utilizados” puntualizando que o obxectivo final deste modelo coñecido como EFQM é “a procura da excelencia na administración local que se traduce nunha mellora permanente e nunha innovación continúa froito dunha planificación”. “Aquí non vale a política de parches e os bandazos da alcaldesa” asegurou Ameijide.
Para implantar este modelo hai que seguir unha serie de fases que son:
Fase 1. Plantexamento inicial e compromiso da dirección
Fase 2. Comunicación interna da iniciativa e concienciación da súa necesidade
Fase 3. Definición de responsabilidades /formación personas implicadas/
Fase 4. Diagnóstico da organización, avaliación do problema
Fase 5. Definición do sistema de xestión da calidade a implantar; solucións
Fase 6. Implantación do sistema de xestión de calidade;
Fase 7. Auditorías, seguimento e proceso de mellora continua.
Entre as materias a controlar estarían os expedientes de investimentos ou os de xestión das concesionarias dos servizos, as operacións económicas e orzamentarias, realizar auditorías en materia de protección de datos tanto de carácter interno como externo de ficheiros de protección media e alta, elaborar cartas de compromiso dos distintos servizos, control e seguimento da implantación da administración electrónica, melloras eficiencia enerxética nos edificios municipais.
No tocante á xestión das persoas tamén se na identificación de competencias buscando os perfis axeitados para cada posto así como a avaliación do desempeño que ten como obxeto de medir o logro de resultados e a conducta profesional
“Cunha visión global e cun chequeo pormenorizado que diagnostique a situación real do Concello poderemos dar a volta á situación” matizando que “é necesario auditar o funcionamento e o día a día do Concello para resolver os problemas de desorganización que sufre”.
O popular manifestou “que debería ser persoal externo o que analice, cunha perspectiva máis imparcial, a situación do concello xa que, neste momento facer unha operación de maquillaxe superficial non é suficiente para sacar ao Concello de Lugo da parálise e ineficacia na que está sumido por unha falta de dirección política”.
